ଶୀଘ୍ର ପରଦାକୁ ଆସିବ ମେଜର ଧ୍ୟାନଚାନ୍ଦଙ୍କ ବାୟୋପିକ, ଅଭିନୟ କରିବେ ଭିକ୍କି କୌଶଲ
ମୁମ୍ବାଇ: ବଲିଉଡର ପ୍ରତିଭାବାନ କଳାକାର ଭିକ୍କି କୌଶଲ ଏବେ ମେଘନା ଗୁଲଜାରଙ୍କ ସ୍ୟାମ ବାହାଦୂର ଫିଲ୍ମର ଶୁଟିଂରେ ବ୍ୟସ୍ତ ଅଛନ୍ତି । ଏହାର ଶୁଟିଂ ଶେଷ ହେବା ପରେ ସେ ମେଜର ଧ୍ୟାନଚାନ୍ଦଙ୍କ ବାୟୋପିକରେ ଅଭିନୟ କରିବେ ବୋଲି ଖବର ପ୍ରକାଶ ପାଇଛି । ରନି ସ୍କ୍ରୁୱାଲା ଏଥିନେଇ ଅବଶ୍ୟ ଆଗୁଆ ଘୋଷଣା କରି ସାରିଛନ୍ତି । ୧୫୦୦ ଗୋଲ, ୩ ଅଲିମ୍ପିକ ସ୍ୱର୍ଣ୍ଣ ଓ ଭାରତର ଗୌରବର କାହାଣୀ ଖୁବ ଶୀଘ୍ର ପରଦାକୁ ଆସିବ ବୋଲି ସୋସିଆଲ ମିଡିଆରେ ପୋଷ୍ଟ କରିଛନ୍ତି । ପୂର୍ବରୁ ଈଶାନ ଖଟ୍ଟର ଏଥିରେ ଅଭିନୟ କରିବେ ବୋଲି ଖବର ପ୍ରସାରିତ ହୋଇଥିଲା । ଭିକ୍କି ଏହାର କାହାଣୀ ଶୁଣି ବେଶ ପ୍ରଭାବିତ ହୋଇଥିବାରୁ ଅଭିନୟ କରିବା ପାଇଁ ଆଗ୍ରହ ପ୍ରକାଶ କରିଛନ୍ତି । ତେବେ ଏ ନେଇ ଔପଚାରିକ ଘୋଷଣା କରାଯାଇ ନାହିଁ । ଏହା ପୂର୍ବରୁ ଭିିକ୍କି ଲଭ ପର ସ୍କେ୍ୱାୟାର ଫୁଟ ଓ ଉରୀ: ଦି ସର୍ଜିକାଲ ଷ୍ଟ୍ରାଇକରେ ରନୀଙ୍କ ସହ କାମ କରି ସାରିଛନ୍ତି ।
