ମା’ଙ୍କ ହତ୍ୟା ମାମଲାରେ ହଲିଉଡ ଅଭିନେତା ରୟାନ୍ ଗ୍ରାଥମଙ୍କୁ ଆଜୀବନ କାରାଦଣ୍ଡ
ହଲିଉଡ ଫିଲ୍ମ ଇଣ୍ଡଷ୍ଟ୍ରିରୁ ଏକ ବଡ ଖବର ଆସିଛି । ନିଜ ମା’ଙ୍କ ହତ୍ୟା ମାମଲାରେ ଜଣାଶୁଣା ଅଭିନେତା ରୟାନ୍ ଗ୍ରାଥମଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି। ପ୍ରସିଦ୍ଧ ନେଟଫ୍ଲିକ୍ସ ଶୋ’ ରିଭରଡେଲରେ ଅଭିନୟ କରିଥିବା ରୟାନ୍ ନିଜ ମା’ଙ୍କୁ ହତ୍ୟା କରିଥିବା ନେଇ ଅଭିଯୋଗ ହୋଇଛି। ଏହି ମାମଲାରେ ୬ମାସ ପୂର୍ବରୁ କୋର୍ଟରେ ଦୋଷୀ ସାବ୍ୟସ୍ତ ହୋଇଥିଲେ। ବର୍ତ୍ତମାନ ଅଭିନେତାଙ୍କୁ ଦଣ୍ଡିତ କରାଯାଇଛି।
ଏହି ଦଣ୍ଡ ଘୋଷଣା କରିବାବେଳେ କୋର୍ଟ ମଧ୍ୟ କିଛି ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି। କୋର୍ଟଙ୍କ ଅନୁଯାୟୀ, ରୟାନ୍ ତାଙ୍କ ଜୀବନରେ ଆଉ ବନ୍ଧୁକ ବ୍ୟବହାର କରିପାରିବେ ନାହିଁ। ଏଥିସହ ତାଙ୍କୁ ଜେଲରେ ରହିବା ସହ ୧୪ ବର୍ଷ ପର୍ଯ୍ୟନ୍ତ ପାରୋଲରେ ମୁକ୍ତ କରାଯିବ ନାହିଁ। ଆସନ୍ତୁ ଆପଣଙ୍କୁ କହିବା ଯେ କାନାଡାର ଭାନକୋଭରରେ ଥିବା ବ୍ରିଟିଶ କଲମ୍ବିଆର ସୁପ୍ରିମକୋର୍ଟ ରୟାନ ଗ୍ରାଥମଙ୍କୁ ଏହି ମାମଲାରେ ଦଣ୍ଡିତ କରିଛନ୍ତି।
ଉଲ୍ଲେଖନୀୟ କଥା ହେଉଛି, ମାର୍ଚ୍ଚ ୨୦୨୦ରେ ଅଭିନେତା ତାଙ୍କର ୬୪ ବର୍ଷ ବୟସ୍କା ମା’ଙ୍କୁ ଗୁଳି କରି ହତ୍ୟା କରିଥିଲେ। ଯାହାଫଳରେ ତାଙ୍କ ମୃତ୍ୟୁ ଘଟିଥିଲା। ଗଣମାଧ୍ୟମ ରିପୋର୍ଟ ଅନୁଯାୟୀ ଜଷ୍ଟିସ କ୍ୟାଥଲିନ୍ କେର କୋର୍ଟଙ୍କ ନିଷ୍ପତ୍ତି ପ୍ରଦାନ କରିବାବେଳେ ଏହି ଘଟଣାକୁ ଦୁଃଖଦ, ହୃଦୟ ବିଦାରକ ଏବଂ ଜୀବନ ପ୍ରତି ବିପଦ ବୋଲି ବର୍ଣ୍ଣନା କରିଛନ୍ତି।
