ଆବଶ୍ୟକତାରୁ ଅଧିକ ଲେମ୍ଵୁ ପାଣି ପିଇବା ହୋଇପାରେ କ୍ଷତିକାରକ
ଲେମ୍ବୁ ପାଣି ଆମ ସ୍ୱାସ୍ଥ୍ୟ ପାଇଁ କେତେ ଲାଭଦାୟକ ତାହା ଆମେ ସମସ୍ତେ ଜାଣୁ। ଯଦି ଆପଣ ସକାଳୁ ଉଠି ଉଷୁମ ପାଣିରେ ଲେମ୍ବୁ ମିଶାଇ ପିଅନ୍ତି, ତେବେ ଓଜନ କମ୍ ହୋଇଥାଏ। ଏହା ସହିତ ଲେମ୍ବୁ ଆମ ହଜମ ପ୍ରକ୍ରିୟାରେ ବହୁତ ସହାୟକ ହୋଇଥାଏ, ଯେଉଁଥିପାଇଁ ପେଟ ସହିତ ଜଡିତ ଅନେକ ସମସ୍ୟା ଦୂର ହୋଇଥାଏ। ଏହା ସତ୍ତ୍ୱେ, ଯେକୌଣସି ଜିନିଷର ଅତ୍ୟଧିକ ବ୍ୟବହାର କ୍ଷତିକାରକ ହୋଇଥାଏ।
ଅନେକ ଅଙ୍ଗ ଖରାପ ହୋଇଥାଏ :
ଲେମ୍ବୁ ହେଉଛି ଭିଟାମିନ୍ ସି ର ଏକ ସମୃଦ୍ଧ ଉତ୍ସ । ଯଦି ଆମ ଶରୀରରେ ଏହି ନ୍ୟୁଟ୍ରିଏଣ୍ଟର ସ୍ତର ବଢିଯାଏ, ତେବେ ଏହା ଅନେକ ଗୁରୁତ୍ୱପୂର୍ଣ୍ଣ ଅଙ୍ଗକୁ ପ୍ରଭାବିତ କରିଥାଏ, ତେଣୁ ଡାକ୍ତରମାନେ ମଧ୍ୟ ସୀମିତ ପରିମାଣରେ ଏହାର ବ୍ୟବହାର କରିବାକୁ ପରାମର୍ଶ ଦିଅନ୍ତି।
ପେଟ ଯନ୍ତ୍ରଣା :
ଭିଟାମିନ୍ ସି ର ମାତ୍ରା ବୃଦ୍ଧି ହେତୁ ପେଟର ଅମ୍ଳୀୟ କ୍ଷରଣ ବୃଦ୍ଧି ହେବାର ଭୟ ରହିଥାଏ, କାରଣ ଏହା ଅମ୍ଳର ସମ୍ଭାବନାକୁ ବଢାଇଥାଏ। ଅଧିକ ଲେମ୍ବୁ ପାଣି ପିଇବା ଦ୍ୱାରା ବାନ୍ତି, ଝାଡ଼ା ଭଳି ସମସ୍ୟା ହୋଇଥାଏ। ଅନେକ ଲୋକ ଗ୍ୟାଷ୍ଟ୍ରୋସୋଫେଜ୍ ରିଫ୍ଲକ୍ସରେ ପୀଡିତ, ସେମାନେ କମ୍ ଲେମ୍ବୁ ପାଣି ପିଇବା ଉଚିତ୍।
ଦୁର୍ବଳ ଦାନ୍ତ :
ଯେବେବି ଆପଣ ଲେମ୍ବୁ ପାଣି ପିଉଛନ୍ତି ଷ୍ଟ୍ର ବ୍ୟବହାର କରନ୍ତୁ। କାରଣ ଏହାଦ୍ୱାରା ଦାନ୍ତ ସହିତ ଲେମ୍ବୁ ରସର ସମ୍ପର୍କ କମ୍ ରହିବ। ଏହା କରିବା ଦ୍ୱାରା ଦାନ୍ତ ଦୁର୍ବଳ ହେବ ନାହିଁ।
