ଉଚ୍ଚ ରକ୍ତଚାପ କାରଣରୁ ହାଡ ଦୁର୍ବଳ ହେବାର ଆଶଙ୍କା ଅଧିକ, ଜାଣନ୍ତୁ କିପରି କରିବେ ସମାଧାନ
ନ୍ୟୁୟର୍କ: ରକ୍ତଚାପକୁ ନିୟନ୍ତ୍ରଣରେ ରଖିବାରେ ଜୀବନଶୈଳୀ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ସମଗ୍ର ବିଶ୍ୱରେ ଲକ୍ଷ ଲକ୍ଷ ଲୋକ ଉଚ୍ଚ ରକ୍ତଚାପ ସମସ୍ୟାର ସମ୍ମୁଖୀନ ହେଉଛନ୍ତି । ଉଚ୍ଚ ପକ୍ତଚାପ କାରଣରୁ ଅକ୍ଷମତା, ମାରାତ୍ମକ ହୃଦଘାତ କିମ୍ବା ଷ୍ଟ୍ରୋକର କାରଣ ମଧ୍ୟ ନେଇପାରେ । ଏହିପରିପ୍ରେକ୍ଷୀରେ, ନିକଟରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି ଯେ, ଉଚ୍ଚ ରକ୍ତଚାପ କାରଣରୁ ହାଡ ଦୁର୍ବଳ ମଧ୍ୟ ହୋଇପାରେ।
ଏନେଇ ମୂଷା ଉପରେ ଏକ ଅଧ୍ୟୟନ କରି, ଟେନେସିର ନାଶଭିଲ୍ଲାର ଭାଣ୍ଡରବିଲ୍ଟ ୟୁନିଭରସିଟିର ଅନୁସନ୍ଧାନକାରୀମାନେ ଜାଣିବାକୁ ପାଇଲେ ଯେ, ଉଚ୍ଚ ରକ୍ତଚାପ କାରଣରୁ ହାଡ ନଷ୍ଟ ହେବାର ଆଶଙ୍କା ବୃଦ୍ଧି ପାଇଥାଏ। ଏକ ମେଡିକାଲ୍ ନ୍ୟୁଜ୍ ଟୁଡେ ରିପୋର୍ଟ ଅନୁଯାୟୀ, ଉଚ୍ଚ ରକ୍ତଚାପ କାରଣରୁ ଯୁବକ ମୂଷାମାନଙ୍କଠାରେ ହାଡର ସ୍ୱାସ୍ଥ୍ୟରେ ହ୍ରାସ ଘଟିଥଲା । ଅନୁସନ୍ଧାନରୁ ଏହା ମଧ୍ୟ ଜଣାପଡିଛି ଯେ, ଉଚ୍ଚ ରକ୍ତଚାପ ସହିତ ଜଡିତ ପ୍ରଦାହ ବୃଦ୍ଧି ହେତୁ ଯୁବକ ମୂଷାଙ୍କର ହାଡ ବାର୍ଦ୍ଧକ୍ୟ ମଧ୍ୟ ହୋଇପାରେ ।
ସେହିପରି, ଉଚ୍ଚ ରକ୍ତଚାପ ଅଷ୍ଟିଓପୋରୋସିସ୍ ନାମକ ଏକ ରୋଗ ହେବାର ଆଶଙ୍କା ବଢାଇଥାଏ, ଯାହା ହାଡର ମିନେରାଲ୍ ସାନ୍ଦ୍ରତାକୁ ହ୍ରାସ କରିଥାଏ ଏବଂ ସେମାନଙ୍କୁ ଦୁର୍ବଳ କରିଦେଇଥାଏ । ଏହା ମଧ୍ୟ ହାଡର ଗଠନକୁ ଖରାପ କରିଥାଏ ଏବଂ ଭାଙ୍ଗିଯିବାର ଆଶଙ୍କାକୁ ବୃଦ୍ଧି କରିଥାଏ । ଉଚ୍ଚ ରକ୍ତ କର୍କଟ ରୋଗରେ ପୀଡିତ ବ୍ୟକ୍ତିମାନେ ହାଡ ଭାଙ୍ଗିଯିବାର ସମ୍ଭାବନା ଅଧିକ ଥାଏ । ତଥାପି, କିଛି ମେଡିସିନ୍ ଉପଲବ୍ଧ ଅଛି, ଯାହା ହାଡର ଶକ୍ତି ବଢାଇପାରେ ଏବଂ ଅଷ୍ଟିଓପୋରୋସିସ୍ ହେବାର ଆଶଙ୍କାକୁ କମ୍ କରିଥାଏ ।
ଏହି ଅଧ୍ୟୟନ ବିଷୟରେ ଅନୁସନ୍ଧାନକାରୀମାନେ କହିଛନ୍ତି ଯେ, “ମାନବ ଏବଂ ଅଷ୍ଟିଓପୋରୋସିସ୍ ମଧ୍ୟରେ ଲିଙ୍କ ଆବିଷ୍କାର କରିବାରେ ଅଧ୍ୟୟନର ତଥ୍ୟ ବହୁତ ସହାୟକ ହୋଇପାରେ । ତେଣୁ, ଏହି ଅଧ୍ୟୟନର ତଥ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଅନୁସନ୍ଧାନର ଫଳାଫଳଗୁଡିକ ନିକଟରେ କାଲିଫର୍ନିଆର ସାନ ଡିଏଗୋରେ ଥିବା ଆମେରିକୀୟ ହାର୍ଟ ଆସୋସିଏସନ୍ ଟ୍ରଷ୍ଟ ସୋର୍ସର ଉଚ୍ଚ ରକ୍ତଚାପ ବୈଜ୍ଞାନିକ ଅଧିବେଶନ 2022ରେ ଉପସ୍ଥାପିତ ହୋଇଥିଲା ।”
ତେବେ ଅଷ୍ଟିଓପୋରୋସିସ୍ ସମସ୍ୟାକୁ କିପରି ହ୍ରାସ କରିହେବ ସେ’ ବାବଦରେ ନିମ୍ନରେ ବର୍ଣ୍ଣନା କରାଯାଇଛି…
- ମଧ୍ୟମ ପରିମାଣରେ ମଦ୍ୟପାନ
- ସମ୍ପୂର୍ଣ୍ଣ ଧୂମପାନ ଠୁ ଦୂରେଇ ରହିବା
- ଶାରୀରିକ ଭାବରେ ସକ୍ରିୟ ରହିବା
- ଚାଲିବା ପରି ଓଜନ ବହନ କରୁଥିବା ବ୍ୟାୟାମରେ ନିୟମିତ ଅଂଶଗ୍ରହଣ କରିବା
- ଦୈନିକ ସନ୍ତୁଳିତ ଖାଦ୍ୟ ଖାଇବା, ବିଶେଷତଃ କ୍ୟାଲସିୟମ୍ ଏବଂ ଭିଟାମିନ୍ D ରେ ଭରପୂର ଖାଦ୍ୟ ଗ୍ରହଣ କରିବା
- ଡାକ୍ତରଙ୍କ ପରାମର୍ଶ ଗ୍ରହଣ କରିବା
