ଅପରେଶନ କାବେରୀର ପ୍ରଥମ ପର୍ଯ୍ୟାୟରେ ସୁଦାନରୁ ଫେରିଲେ ୨୭୮ ଜଣ ଭାରତୀୟ
ସୁଦାନ: ସୁଦାନରେ ଫସି ରହିଥିବା ଭାରତୀୟଙ୍କ ସମେତ ଅନ୍ୟ ବିଦେଶୀ ନାଗରିକଙ୍କୁ ଉଦ୍ଧାର କରିବା ପାଇଁ ଆରମ୍ଭ ହୋଇଛି ମିଶନ କାବେରୀ । ଭାରତ ସରକାରଙ୍କ ପକ୍ଷରୁ ଆରମ୍ଭ ହୋଇଥିବା ଏହି ଅପରେଶନର ପ୍ରଥମ ପର୍ଯ୍ୟାୟରେ ୨୭୮ ଜଣ ଲୋକଙ୍କୁ ନେଇ ଫେରିଛି ଭାରତୀୟ ଯୁଦ୍ଧପୋତ ଆଇଏନଏସ ସୁମେଧା ।
ସୁଦାନ ଗୃହ ଯୁଦ୍ଧରେ ଫଶି ରହିଥିବା ଭାରତୀୟଙ୍କୁ ଉଦ୍ଧାର କରିବା ପ୍ରକ୍ରିୟା ଜୋରଦାର ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏ ବିଷୟରେ ସୂଚନା ଦେଇ କହିଛନ୍ତି, ଆମ ଲୋକଙ୍କୁ ସୁରକ୍ଷିତ ଉଦ୍ଧାର କରି ଆଣିବା ଉପରେ ଆମେ ପ୍ରାଥମିକତା ଦେଉଛୁ । ଏଥିପାଇଁ ଅଭିଯାନ ଆରମ୍ଭ ହୋଇଯାଇଛି । ପ୍ରଥମ ପର୍ଯ୍ୟାୟରେ ୨୭୮ ଜଣ ଲୋକଙ୍କୁ ଆଇଏନଏସ ସୁମେଧାରେ ଉଦ୍ଧାର କରାଯାଇ ଆଣାଯାଇଛି । ସୁଦାନରେ ଚାଲିଥିବା ଗୃହଯୁଦ୍ଧ ମଧ୍ୟରେ ତିନି ପାଇଁ ଯୁଦ୍ଧ ବିରାମ ଘୋଷଣା କରାଯାଇଛି ।
First batch of stranded Indians leave Sudan under #OperationKaveri.
INS Sumedha with 278 people onboard departs Port Sudan for Jeddah. pic.twitter.com/4hPrPPsi1I
— Arindam Bagchi (@MEAIndia) April 25, 2023
ସୂଚନାଥାଉ କି, ଆଫ୍ରିକୀୟ ଦେଶ ସୁଦାନ ଏବେ ଗୃହ ଯୁ୍ଦ୍ଧ ସହ ଲଢୁଛି । ସେନା ଏବଂ ଅର୍ଦ୍ଧ ସାମରିକ ଲୋକଙ୍କ ସହ ଯୁଦ୍ଧ ଯୋଗୁ ବର୍ତ୍ତମାନ ସୁଦ୍ଧା ୪୦୦ରୁ ଅଧିକ ଲୋକଙ୍କର ମୃତ୍ୟୁ ଘଟି ସାରିଲାଣି । ଭାରତ ସମେତ ଅନେକ ଦେଶର ଲୋକ ଏଠାରେ ଫସି ରହିଛନ୍ତି । କେବଳ ଭାରତରୁ ୩ ହଜାର ଲୋକ ଫସି ରହିଛିନ୍ତି ।
ବାୟୁସେନାର ଜାହାଜ ସାଉଦି ଆରବର ଜେଦ୍ଦାରେ ମୁତୟନ ରଖାଯାଇଛି । ଆଇଏସଏସ ସୁମେଧା ପହଞ୍ଚିବା କ୍ଷଣି ସେଠାରୁ ଲୋକଙ୍କୁ ନେଇ ଭାରତ ପହଞ୍ଚିବ ।
ଏପ୍ରିଲ ୧୫ରୁ ସୁଦାନରେ ଏହି ଗୃହ ଯୁଦ୍ଧ ଆରମ୍ଭ ହୋଇଛି । ଏପ୍ରିଲ ୨୧ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏ ନେଇ ଏକ ଉଚ୍ଚସ୍ତରୀୟ ବୈଠକ କରିଥିଲେ । ସୁଦାନରେ ଫସି ରହିଥିବାଲୋକଙ୍କୁ ତୁରନ୍ତ ସୁରକ୍ଷିତ ଉଦ୍ଧାର କରିବା ପାଇଁ ନିର୍ଦ୍ଦଶ ଦେଇଥିଲେ ।
