ଗଙ୍ଗାଧାମରେ ଏକ ଗୋଦାମରେ ବଡ଼ ଧରଣର ଅଗ୍ନିକା
ଗଙ୍ଗାଧାମ: ପୁଣେ ଅନ୍ତର୍ଗତ ଗଙ୍ଗାଧାମରେ ଏକ ଗୋଦାମରେ ବଡ଼ ଧରଣର ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡ ଘଟିବା ପରେ ଏହାକୁ ଆୟତ୍ତ କରିବା ଲାଗି ୨୨ଟି ଅଗ୍ନିଶମ ଗାଡି ନିୟୋଜିତ ହୋଇଥିଲା । ଅଗ୍ନିକାଣ୍ଡରେ ୨୦ରୁ ୨୫ଟି ଛୋଟବଡ ଗୋଦାମ ପାଉଁଶ ହୋଇଯାଇଛି ।
ସେପଟେ ମୁମ୍ବାଇ ନରିମାନ ପଏଣ୍ଟସ୍ଥିତ ଟ୍ରାଇଡେଣ୍ଟ ହୋଟେଲର ଶୀର୍ଷ ମହଲାରେ ଧୂଆଁ । ଅତ୍ୟୁଚ୍ଚ କୋଠାରେ ଶୀର୍ଷରେ ଧୂଆଁ ବାହାରିବା ପରେ ତତ୍ପର ହୋଇଥିଲା ଅଗ୍ନିଶମ ବିଭାଗ । ତେବେ ତାହା ଅଗ୍ନିକାଣ୍ଡରୁ ନୁହେଁ ବରଂ ହୋଟେଲର ବୟଲର ରୁମରୁ ଧୂଆଁ ବାହାରିଥିବା ସୂଚନା ମିଳିଛି । ଅଗ୍ନିଶମ ବିଭାଗ ପକ୍ଷରୁ ସାରା ହୋଟେଲରେ ଯାଞ୍ଚ କରାଯାଇଥିଲା ଏବଂ ପରେ ଏଥିରେ ନିଆଁ ଲାଗି ନଥିଲା ବୋଲି ସ୍ପଷ୍ଟ ହୋଇଥିଲା । ବୟଲରର ଟେକ୍ନିକାଲ ଫେଲଓ୍ବେର କାରଣରୁ ଏହା ଘଟିଥିବା ସୂଚନା ମିଳିଛି ।
