ଅହମ୍ମଦାବାଦ ମୁମ୍ବାଇ ଡବଲ ଡେକର ରେଳଗାଡି ହେଲା ଲାଇନଚ୍ୟୁତ
ଅହମ୍ମଦାବାଦ ମୁମ୍ବାଇ ଡବଲ ଡେକର ରେଳଗାଡି ଗୁରୁବାର ସକାଳ ୮ଟା ୫୦ ସମୟରେ ଲାଇନଚ୍ୟୁତ ହୋଇଛି । ଗୋଠନାଗାଁ ଷ୍ଟେସନ୍ ନିକଟରେ ଏହି ଦୁର୍ଘଟଣା ଘଟିଛି । ଏଥିରେ କୌଣସି ଜୀବନହାନୀ ହୋଇ ନଥିବାର ସୂଚନା ମିଳିଛି । ଏମ୍ଏମ୍ଟିସି ୧୨୯୩୨ ରେଳଗାଡି ଅହମ୍ମଦାବାଦରୁ ମୁମ୍ବାଇ ଆସୁଥିଲା । ରେଳ ଗାଡିର କପଲର ଭାଙ୍ଗିଯିବାରୁ ଏହି ଦୁର୍ଘଟଣା ହୋଇଥିବା ଜଣା ପଡିଛି ।ଏହି ସମୟରେ ରେଳଗାଡିର ଗତି ଧୀର ଥିବାରୁ କୌଣସି ଅଘଟଣା ଘଟି ନାହିଁ । ରେଳଗାଡିର ବରିଷ୍ଠ ଅଧିକାରୀ ଘଟଣାସ୍ଥଳରେ ପହଞ୍ଚି ଦୁର୍ଘଟଣା କାରଣ ବିଷୟରେ ଯାଞ୍ଚ କରିଛନ୍ତି ।
