ପୁଣି ଲାଇଭ୍ ଟିଭି ବିତର୍କ ଚାଲିଥିବା ବେଳେ ମାର୍ପିଟ୍ , ଭାଇରାଲ ହେଉଛି ପାକିସ୍ତାନର ଏହି ଭିଡ଼ିଓ ।
ସୋସିଆଲ ମିଡିଆରେ ପ୍ରତିଦିନ ଅନେକ ଭିଡିଓ ଭାଇରାଲ ହୁଏ । କିନ୍ତୁ ଯେତେବେଳେ ଏହା ଆମ ପଡୋଶୀ ଦେଶ ଅର୍ଥାତ୍ ପାକିସ୍ତାନର କଥା ଆସେ, ତେବେ ଏହାର ଭିଡିଓଗୁଡ଼ିକ ବହୁତ ମଜାଦାର୍ ହୋଇଥାଏ । କେତେବେଳେ ଖାଦ୍ୟ ପାଇଁ ସଂଗ୍ରାମର ଏକ ଭିଡିଓ ବାହାରକୁ ଆସେ ତ ଆଉ କେତେବେଳେ ଲୋକମାନେ ଏପରି ଏକ ଦେଶୀ ଜୁଗାଡ଼ ଉଦ୍ଭାବନ କରନ୍ତି ଯାହା ଦ୍ୱାରା ଲୋକମାନେ ହସିବା ବନ୍ଦ କରି ପାରନ୍ତି ନାହିଁ । ସୋସିଆଲ ମିଡିଆରେ ଏଭଳି ଏକ ଭିଡିଓ ଭାଇରାଲ ହେଉଛି, କିନ୍ତୁ ଏଥର ଏହା ଏକ ଲାଇଭ ଟିଭି ବିତର୍କର ଭିଡିଓ। ଯେଉଁଥିରେ ହଠାତ୍ ଦୁଇ ଜଣ ନିଜ ମଧ୍ୟରେ ଯୁକ୍ତିତର୍କ ଆରମ୍ଭ କରନ୍ତି ଏବଂ ତା’ପରେ ମାର୍ପିଟ୍ ଆରମ୍ଭ ହୋଇଯାଏ ।
ଲାଇଭ ଟିଭିରେ ଏକ ବିତର୍କ ଚାଲିଛି, କିଛି ଲୋକ ପ୍ୟାନେଲରେ ବସିଛନ୍ତି । କ୍ୟାମେରା ଫୋକସ୍ ମଧ୍ୟ ସେହି ଦୁଇ ଜଣଙ୍କ ଉପରେ ରହିଛି ଯେଉ ଦୁଇଜଣ ଯୁକ୍ତି କରୁଛନ୍ତି । ହଠାତ୍ ଏହି ବତର୍କ ମାରପିଟ୍ରେ ପରିଣତ ହୋଇଯାଏ । ଉଭୟ ବ୍ୟକ୍ତି ଏତେ କ୍ରୋଧିତ ହୁଅନ୍ତି ଯେ ଉଭୟ ଚାପୁଡ଼ା ମରାମରି ଆରମ୍ଭ କରି ଦିଅନ୍ତି । ଦୁହିଁଙ୍କ ମଧ୍ୟରେ ପ୍ରବଳ ଝଗଡା ହୁଏ ଏବଂ ଶେଷରେ ସେମାନେ କ୍ୟାମେରା ସାମ୍ନାରୁ ମଧ୍ୟ ପଳାଇ ଯାଆନ୍ତି ।
ଏହା ପରେ ପାଖରେ ବସିଥିବା ଲୋକମାନେ ତୁରନ୍ତ ଉଠି ଝଗଡ଼ା ବନ୍ଦ କରିବାକୁ ଚେଷ୍ଟା କରନ୍ତି। ଶେଷରେ ଜଣେ ଯୁବକ ସେମାନଙ୍କ ମଧ୍ୟରୁ ଜଣକୁ ଝଗଡ଼ାରୁ ଦୂରେଇ ନିଅନ୍ତି । ବର୍ତ୍ତମାନ ପାକିସ୍ତାନର ଟିଭି ବିତର୍କର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଲୋକମାନେ ମଧ୍ୟ ଏହି ଭିଡିଓରେ ମଜାଳିଆ ମନ୍ତବ୍ୟ ଦେଉଛନ୍ତି ।
