ରାଜ୍ୟସଭା ଉପ-ନିର୍ବାଚନରେ ବିଜେପି ହାସିଲ କଲା ବହୁମତ
ଲୋକସଭା ନିର୍ବାଚନ ଫଳାଫଳ ପରେ ତୃତୀୟ ଥର କ୍ଷମତାକୁ ଆସିଥିବା ମୋଦୀ ସରକାର ଆଉ ଏକ ସଫଳତା ହାସଲ କରିଛନ୍ତି । ରାଜ୍ୟସଭାରେ ବହୁ ସଂଖ୍ୟାରେ ପଛରେ ପଡିଥିବା ଏନଡିଏ ପାଇଁ ଆଶ୍ୱସ୍ତି ଆଣିଛି । ରାଜ୍ୟସଭା ଉପ-ନିର୍ବାଚନରେ ବିଜେପିର ୯ ଜଣ ସଦସ୍ୟ ଏବଂ ଦୁଇ ସହଯୋଗୀ ସଦସ୍ୟ ନିର୍ଦ୍ୱନ୍ଦରେ ନିର୍ବାଚିତ ହୋଇଛନ୍ତି । ଏହା ପରେ ବିଜେପିର ସଦସ୍ୟ ସଂଖ୍ୟା ୯୬ ରେ ପହଞ୍ଚିଛି ଏବଂ ଉପର ଗୃହରେ ଏନଡିଏର ମୋଟ ଆସନ ୧୧୨ କୁ ବୃଦ୍ଧି ପାଇଛି । ଏହା ସହିତ ଏନଡିଏ ସଂଖ୍ୟାଗରିଷ୍ଠତା ହାସଲ କରିଛି । ବିନା ନିର୍ବାଚନରେ ନିର୍ବାଚିତ ହୋଇଥିବା ଅନ୍ୟ ଦୁଇଜଣ ଏନଡିଏର ସହଯୋଗୀ ଅଜିତ ପାୱାର, ଏବଂ ରାଷ୍ଟ୍ରୀୟ ଲୋକ ମଞ୍ଚର ଜଣେ ଜଣେ ସଦସ୍ୟ ଥିଲେ । ଏନଡିଏର ୧୨ ଟି ରାଜ୍ୟସଭା ସାଂସଦ ନିର୍ବାଚନ ପରେ ଏହା ସଂଖ୍ୟା ଗରିଷ୍ଠତା ହାସଲ କରିଛି । ରାଜସ୍ତାନରୁ ରବନୀତ ସିଂହ, ମଧ୍ୟ ପ୍ରଦେଶରୁ ଜର୍ଜ କୁରିଆନ୍, ବିହାରର ଉପେନ୍ଦ୍ର କୁଶୱାହା ଏବଂ ମନନ କୁମାର ମିଶ୍ର, ହରିୟାଣାରୁ କିରଣ ଚୌଧୁରୀ, ଆସାମରୁ ରାମେଶ୍ୱର ତେଲୀ ଓ ରଂଜନ ଦାସ, ମହାରାଷ୍ଟ୍ରରୁ ନୀତିନ ପାଟିଲ ଓ ଧୈର୍ଯ୍ୟଶୀଲ ପାଟିଲ, ଓଡ଼ିଶାର ମମତା ମହାନ୍ତ, ତେଲେଙ୍ଗାନାରୁ ଅଭିଷେକ ମନୁ ସିଂଘବୀ ଏବଂ ତ୍ରିପୁରାରୁ ରାଜୀବ ଭଟ୍ଟାଚାର୍ଯ୍ୟ ନିର୍ଦ୍ୱନ୍ଦରେ ରାଜ୍ୟସଭାକୁ ନିର୍ବାଚିତ ହୋଇଛନ୍ତି ।
ବର୍ତ୍ତମାନ ରାଜ୍ୟସଭାରେ ମୋଟ ଆସନ ସଂଖ୍ୟା ୨୪୫ ରହିଛି । ସେଥିମଧ୍ୟରୁ ୮ ଟି ଆସନ କଥା କହିବାକୁ ଗଲେ ଜାମ୍ମୁ କାଶ୍ମୀର ପାଇଁ ଚାରୋଟି ଏବଂ ଚାରୋଟି ମନୋନୀତ ଆସନ ପାଇଁ ରହିଛି । ବର୍ତ୍ତମାନ ସେହି ୮ ଟି ସିଟ୍ ହଟାଇବା ପରେ ୨୩୭ ବାକି ଅଛି । ବର୍ତ୍ତମାନ ୨୩୭ ଟି ମଧ୍ୟରୁ ୧୧୯ ସଦସ୍ୟ ଏନଡିଏ ମେଣ୍ଟକୁ ମିଳିଛି । ସାମ୍ପ୍ରତିକ ସମୀକରଣ ବିଷୟରେ କହିବାକୁ ଗଲେ, ଏନଡିଏ ୧୧୯ ଟି ସିଟ୍ ସହିତ ସଂଖ୍ୟାଗରିଷ୍ଠତାକୁ ଛୁଇଁଛି । ଏନଡିଏରେ ୧୧୨ ଟି ଆସନ ଅଛି ଯାହା ପରେ ଅବଶିଷ୍ଟ ୭ ଜଣ ପ୍ରାର୍ଥୀ ଏବଂ ଜଣେ ସ୍ୱାଧୀନ ସଦସ୍ୟଙ୍କ ସମର୍ଥନ ରହିଛି । କଂଗ୍ରେସର ଜଣେ ସଦସ୍ୟ ମଧ୍ୟ ନିର୍ବାଚିତ ହୋଇ ଉପର ଗୃହରେ ବିରୋଧୀଙ୍କ ସଂଖ୍ୟା ୮୫ କୁ ନେଇଛନ୍ତି।
