ମିଜୋରାମର ସମସ୍ତ ୪୦ ବିଧାନସଭା ଆସନରେ ନିର୍ବାଚନ ଲଢିବ ବିଜେପି
ନୂଆଦିଲ୍ଲୀ: ମିଜୋରାମରେ ହେବାକୁ ଥିବା ୨୦୨୩ ବିଧାନସଭା ନିର୍ବାଚନରେ ସମସ୍ତ ୪୦ ଆସନରେ ନିର୍ବାଚନ ଲଢିବାକୁ ବିଜେପି ଘୋଷଣା କରିଛି । ମିଜୋରାମ ବିଜେପି ଅଧ୍ୟକ୍ଷ ବନଲାଲମୁଆକା ଏହି ସୂଚନା ଦେଇଛନ୍ତି । ଉଲ୍ଲେଖଯୋଗ୍ୟ ଯେ, ସେପ୍ଟେମ୍ୱରରେ ରାଜ୍ୟରେ କ୍ଷମତାରେ ଥିବା ମିଜୋ ନ୍ୟାସନାଲ ଫ୍ରଣ୍ଟର ୧୬ ନେତା ବିଜେପିରେ ସାମିଲ ହୋଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୨ତମ ଜନ୍ମ ଦିବସ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ମିଜୋ ନ୍ୟାସନାଲ ଫ୍ରଣ୍ଟର ନେତା ବିଜେପିରେ ଯୋଗ ଦେଇଥିଲେ ।
Bharatiya Janata Party (BJP) will contest in all 40 Assembly seats in the 2023 elections: Mizoram BJP president Vanlalhmuaka in Aizwal pic.twitter.com/vWsJmGNALs
— ANI (@ANI) October 9, 2022
ଗତ ନିର୍ବାଚନରେ ମୋଟ ୪୦ ଆସନରୁ ଏମଏନଏଫ ପାର୍ଟି ବହୁମତ ହାସଲ କରି ୨୬ ଆସନରେ ବିଜୟୀ ହୋଇଥିଲା। କଂଗ୍ରେସକୁ ୨୬ ଆସନର କ୍ଷତି ହୋଇଥିଲା ଏବଂ ମାତ୍ର ୫ ଆସନରେ ବିଜୀୟ ହୋଇଥିଲା । ବିଜେପି ପ୍ରଥମ ଥର ମିଜୋରାମରେ ଖାତା ଖୋଲିଥିଲା ଏବଂ ଗୋଟିଏ ଆସନରେ ବିଜୟୀ ହୋଇଥିଲା ।
