ଉଭୟ ଶିବ ସୈନିକ ଏବଂ କୃଣାଳ କାମରାଙ୍କ ବିରୋଧରେ ରୁଜ୍ଜୁ ହେଲା ମାମଲା
ହାସ୍ୟ ଅଭିନେତା କୁନାଲ କାମରା ତାଙ୍କ ଶୋ’ରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ କଟାକ୍ଷ କରିଥିଲେ, ଯାହା ଫଳରେ ହଙ୍ଗାମା ହୋଇଥିଲା। ପୂର୍ବରୁ ଏହି ମାମଲାରେ କୁନାଲ କାମରାଙ୍କ ବିରୋଧରେ ଏକ ଏଫଆଇଆର ରୁଜୁ ହୋଇଥିଲା। ଏହି ପ୍ରସଙ୍ଗରେ ବିବାଦ ବୃଦ୍ଧି ପାଉଛି। ପୋଲିସ ଶିବସୈନିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଗତକାଲି ହାବିଟାଟ୍ ଷ୍ଟାଣ୍ଡଅପ୍ କମେଡି ସେଟ୍ ଭଙ୍ଗାରୁଜା କରିବା ପାଇଁ ପୋଲିସ ଶିବସେନା ଯୁବ ସେନା (ସିନ୍ଦେ ଗୋଷ୍ଠୀ)ର ସାଧାରଣ ସମ୍ପାଦକ ରାହୁଲ କାନାଲ ଏବଂ ଅନ୍ୟ ୧୯ ଜଣଙ୍କ ବିରୁଦ୍ଧରେ ଏକ ଏଫଆଇଆର ରୁଜୁ କରିଛି। ଏହି ଏଫଆଇଆର ବିଏନଏସ ଏବଂ ମହାରାଷ୍ଟ୍ର ପୋଲିସ ଆଇନର ଅନେକ ଧାରା ଅଧୀନରେ ପଞ୍ଜିକୃତ ହୋଇଛି।
ଶିବ ସୈନିକଙ୍କ ଉପରେ କାର୍ଯ୍ୟାନୁଷ୍ଠାନ
ଏହି ମାମଲାରେ ଶିବସେନା (ଏକନାଥ ସିନ୍ଦେ ଗୋଷ୍ଠୀ) ବିଧାୟକ ମୁରଜୀ ପଟେଲ MIDC ପୋଲିସ ଷ୍ଟେସନରେ କାମରାଙ୍କ ବିରୋଧରେ ଏକ ଏଫଆଇଆର ଦାୟର କରିଥିଲେ। ଏହି ସମୟରେ ସେ କୁନାଲ କାମରାଙ୍କୁ କ୍ଷମା ମାଗିବାକୁ ଚେତାବନୀ ମଧ୍ୟ ଦେଇଛନ୍ତି। ଏବେ ପୋଲିସ ଶିବସେନା ଯୁବ ସେନା (ସିନ୍ଦେ ଗୋଷ୍ଠୀ) ମହାସଚିବ ରାହୁଲ କାନାଲଙ୍କ ସମେତ ୧୯ ଜଣଙ୍କ ବିରୋଧରେ ଏଫଆଇଆର ରୁଜୁ କରିଛି। ଏମାନଙ୍କ ସମସ୍ତଙ୍କ ବିରୁଦ୍ଧରେ ହାବିଟାଟ୍ ଷ୍ଟାଣ୍ଡ-ଅପ୍ କମେଡି ସେଟରେ ଭଙ୍ଗାରୁଜା କରିଥିବା ଅଭିଯୋଗ ହୋଇଛି। କାମରାଙ୍କ ମନ୍ତବ୍ୟ ଉପରେ ଶିବସେନା କହିଛି ଯେ ଏହା ସିନ୍ଦେଙ୍କୁ ବଦନାମ କରିବାର ଏକ ଷଡ଼ଯନ୍ତ୍ର। ଏହି ମାମଲାରେ, କାମରାଙ୍କ ବ୍ୟତୀତ, ଶିବସେନା ରାହୁଲ ଗାନ୍ଧୀ, ଶିବସେନା (UTB) ନେତା ସଞ୍ଜୟ ରାଉତ ଏବଂ ଆଦିତ୍ୟ ଠାକରେଙ୍କ ବିରୁଦ୍ଧରେ ମଧ୍ୟ FIR ଦାୟର କରିଛି।
