ଆଜି ସମ୍ବିଧାନ ଦିବସ

ନୂଆଦିଲ୍ଲୀ: ସବୁ ଭାରତୀୟଙ୍କ ପାଇଁ ନଭେମ୍ୱର ୨୬ ତାରିଖ ଖୁବ ଗୁରୁତ୍ୱପୂର୍ଣ୍ଣ । ୧୯୪୯ ମସିହା ଆଜିର ଦିନରେ ଦେଶର ସମ୍ୱିଧାନକୁ ବିଧିବଦ୍ଧ ଭାବେ ଗ୍ରହଣ କରାଯାଇଥିଲା। ତେଣୁ ଏହାକୁ ସମ୍ୱିଧାନ ଦିବସ ଭାବେ ଦେଶରେ ପାଳନ କରାଯାଉଛି । ପରେ ୨୬ ଜାନୁଆରୀ ୧୯୫୦ମସିହାରେ ସମ୍ୱିଧାନକୁ ଦେଶରେ ପ୍ରଣୟନ କରାଯାଇଥିଲା ।

ସମ୍ୱିଧାନ ପ୍ରତ୍ୟେକ ଭାରତୀୟଙ୍କୁ ମୌଳିକ ଅଧିକାର ପ୍ରଦାନ କରେ । ଜଣେ ସ୍ୱାଧୀନ ନାଗରିକର ପରିଚୟ ଦିଏ । ଏହା ସହିତ ଦେଶ ପ୍ରତି ଥିବା ମୌଳିକ କର୍ତ୍ତବ୍ୟ ନେଇ ମଧ୍ୟ ଭାରତୀୟଙ୍କୁ ସଚେତନ କରାଏ ସମ୍ୱିଧାନ । ଆଜିର ଦିନକୁ ରାଷ୍ଟ୍ରୀୟ ଆଇନ ଦିବସ ଭାବେ ମଧ୍ୟ ପାଳନ କରାଯାଏ ।