ଆଜି ସମଗ୍ର ଦେଶରେ ପାଳନ କରାଯିବ ଇଦ୍-ଉଲ୍-ଫିତର
ନୂଆଦିଲ୍ଲୀ: ଆଜି ସମଗ୍ର ଭାରତରେ ଇଦ୍ ପାଳ କରାଯିବ । ଶୁକ୍ରବାର ଦିନ ସାରା ଦେଶରେ ଅର୍ଦ୍ଧଚନ୍ଦ୍ର ଦୃଶ୍ୟମାନ ହୋଇଥିଲା । ଲକ୍ଷ୍ନୌର ଇଦଗାହ ଇମାମ ମୌଲାନା ଖାଲିଦ ରସିଦ ଫିରଙ୍ଗି ମହାଲୀ କହିଛନ୍ତି, ଆଜି ଚନ୍ଦ୍ର ଦୃଶ୍ୟମାନ ହୋଇଛି ଏବଂ ଆସନ୍ତାକାଲି ଦେଶରେ ଇଦ୍-ଉଲ୍-ଫତର ପାଳନ କରାଯିବ । ରମଜାନରେ ଉପବାସ କରିବା ପରେ ମୁସଲମାନମାନେ ମାସ ଶେଷରେ ଇଦ୍-ଉଲ୍-ଫିତର ପର୍ବ ପାଳନ କରନ୍ତି ।
ଏହି ଅବସରରେ ଘରେ ସ୍ୱତନ୍ତ୍ର ଖାଦ୍ୟ ପ୍ରସ୍ତୁତ କରାଯାଏ ଏବଂ ଲୋକମାନେ ପରସ୍ପରର ଘରକୁ ଯାଆନ୍ତି । ଇଦ୍-ଉଲ୍-ଫତର ପର୍ବ ଚନ୍ଦ୍ର ଦର୍ଶନ ଉପରେ ପାଳନ କରାଯାଏ । ଶୁକ୍ରବାର ଦିନ ସମଗ୍ର ବିଶ୍ୱରେ ଇଦ୍ ପର୍ବ ପାଳନ କରାଯାଇଥିଲା । ଶୁକ୍ରବାର ଦିନ ଇଦ୍-ଉଲ୍-ଫତର ଅବସରରେ ମୁସଲମାନମାନେ ପୃଥିବୀର ବିଭିନ୍ନ ସ୍ଥାନରେ ପୂଜାପାଠ କରିଥିଲେ ଏବଂ ପାଳନ କରିଥିଲେ ।
ତେବେ ମୁସଲିମ ସଂଖ୍ୟାଗରିଷ୍ଠ ଦେଶ ସୁଦାନରେ ହିଂସା ଆରମ୍ଭ ହେତୁ ଇଦ୍ର ଖୁସି ଟିକିଏ କମିଯାଇଛି । ତେବେ ଅନ୍ୟ ଦେଶରେ ଏକ ଭଲ ଭବିଷ୍ୟତର ଆଶା ମଧ୍ୟରେ ଏହି ପର୍ବ ଆସିଛି । ଇସଲାମିକ ଚନ୍ଦ୍ର କ୍ୟାଲେଣ୍ଡରର ନବମ ମାସ ହେଉଛି ରମଜାନ, ଏବଂ ଦଶମ ହେଉଛି ଶାବ୍ୱଲ- ଯାହାର ଅର୍ଥ ହେଉଛି ‘ଉପବାସ ଭାଙ୍ଗିବାର ପର୍ବ । ଶାବଲ ମାସର ପ୍ରଥମ ଦିନ ମୁସଲମାନମାନେ ଇଦ୍-ଉଲ୍-ଫିତର ଭାବରେ ପାଳନ କରନ୍ତି ।
