ସାମାନ୍ୟ ଝଗଡ଼ାରୁ ସ୍ତ୍ରୀକୁ ମାରି ଖଣ୍ଡଖଣ୍ଡ କରି କୁକର୍ରେ ରାନ୍ଧିଲା ସ୍ବାମୀ
ସ୍ତ୍ରୀକୁ ମାରି କୁକର୍ରେ ରାନ୍ଧିଲା ସଇତାନ ସ୍ବାମୀ। ମୀରପେଟ୍ ଥାନା ଅଞ୍ଚଳରେ ପୂର୍ବତନ ସେନା କର୍ମଚାରୀ ଘଟାଇଛନ୍ତି ଏହି ବୀଭତ୍ସ କାଣ୍ଡ। ବଚସାରୁ ସ୍ତ୍ରୀକୁ ମାରି ଖଣ୍ଡଖଣ୍ଡ କରି କୁକର୍ରେ ରାନ୍ଧିଲା। ଶରୀରର ଅବଶିଷ୍ଟ ଅଂଶକୁ ଚନ୍ଦନ ହ୍ରଦରେ ଫିଙ୍ଗିଥିଲା। ଜାନୁଆରୀ ୧୮ରୁ ମହିଳା ନିଖୋଜ ନେଇ ଥାନାରେ ଅଭିଯୋଗ ହୋଇଥିଲା। ଏହା ପରେ ଆରମ୍ଭ ହୋଇଥିଲା ତନାଘନା। ତେଲେଙ୍ଗାନାର ରଙ୍ଗାରେଡ୍ଡି ଜିଲ୍ଲାରୁ ଏହି ଭୟଙ୍କର ହତ୍ୟା ଘଟଣା ସାମ୍ନାକୁ ଆସିଛି। ପୂର୍ବତନ ସେନା ଅଧିକାରୀ ତାଙ୍କ ୩୫ ବର୍ଷୀୟା ପତ୍ନୀଙ୍କୁ ଏତେ ନିର୍ମମ ଭାବରେ ହତ୍ୟା କରିଛନ୍ତି ।
ପୁଲିସ କହିଛି ଯେ, ଗତ ଶନିବାର ଅର୍ଥାତ ଜାନୁଆରୀ ୧୮ ତାରିଖରେ ଗୁରୁ ମୂର୍ତ୍ତି ନାମକ ଜଣେ ବ୍ୟକ୍ତି ତାଙ୍କ ପତ୍ନୀ ଭେଙ୍କଟ ମାଧବୀଙ୍କ ନିଖୋଜ ବିଷୟରେ ରାଚାକୋଣ୍ଡା ପୁଲିସ କମିଶନରେଟ ଅନ୍ତର୍ଗତ ମୀରପେଟ ଥାନାରେ ଅଭିଯୋଗ କରିଥିଲେ। ମାମଲାର ତଦନ୍ତ କରିବା ସମୟରେ, ଅଧିକାରୀମାନେ ଗୁରୁ ମୂର୍ତ୍ତିଙ୍କୁ ପଚରାଉଚରା କରିଥିଲେ ଯାହା ପରେ ସେ ତାଙ୍କ ଅପରାଧ ସ୍ୱୀକାର କରିଥିଲେ ଏବଂ ଏହି ଆଶ୍ଚର୍ଯ୍ୟଜନକ କଥା ଖୁଲାସା କରିଥିଲେ। ଅଭିଯୁକ୍ତ ପୋଲିସକୁ କହିଛି ଯେ, ସେ ତାଙ୍କ ସ୍ତ୍ରୀଙ୍କୁ ନିଜେ ହତ୍ୟା କରିଛି। ହତ୍ୟା କରିବା ପରେ ମୃତଦେହକୁ ଖଣ୍ଡ ଖଣ୍ଡ କରି କାଟି ପ୍ରେସର କୁକରରେ ସିଝାଇଛି। ପରେ ସେ ସିଝା ଶରୀରର ଅଂଶଗୁଡ଼ିକୁ ଏକ ହ୍ରଦରେ ଫିଙ୍ଗି ଦେଇଛି। ପୁଲିସ ତାଙ୍କ ବୟାନ ରେକର୍ଡ କରି ପ୍ରମାଣ ସଂଗ୍ରହ ଆରମ୍ଭ କରିଛି। ହ୍ରଦରେ ପୀଡିତଙ୍କ ଶରୀରର ଅଂଶ ଖୋଜା ଚାଲିଛି।ସୂଚନା ଅନୁଯାୟୀ, ଅଭିଯୁକ୍ତ ଗୁରୁ ମୂର୍ତ୍ତି ସେନାରେ କାମ କରିଥିଲେ। ଅବସର ପରେ, ସେ ଡିଆରଡିଓରେ ଆଉଟସୋର୍ସିଂରେ ସୁରକ୍ଷା କର୍ମୀ ଭାବରେ କାର୍ଯ୍ୟ କରୁଥିଲେ। ଗୁରୁ ମୂର୍ତ୍ତି ୧୩ ବର୍ଷ ପୂର୍ବେ ମାଧବୀଙ୍କୁ ବିବାହ କରିଥିଲେ ଏବଂ ସେମାନଙ୍କର ଦୁଇଟି ସନ୍ତାନ ଅଛନ୍ତି। ଅଭିଯୁକ୍ତ ଜଣକ ତାଙ୍କ ବାପାମାଆଙ୍କ ସହିତ ଥାନାକୁ ଯାଇଥିଲା, ଯେପରି କେହି ତାଙ୍କୁ ସନ୍ଦେହ ନକରନ୍ତି।
