ନାମାଙ୍କନ ପତ୍ର ଦାଖଲ କଲେ ଏସ୍. ଜୟଶଙ୍କର
ଗାନ୍ଧୀନଗର : ବୈଦେଶିକ ବ୍ୟାପାର ମନ୍ତ୍ରୀ ଏସ୍.ଜୟଶଙ୍କର ସୋମବାର ଗାନ୍ଧିନଗରରେ ରାଜ୍ୟସଭା ନିର୍ବାଚନ ପାଇଁ ନାମାଙ୍କନପତ୍ର ଦାଖଲ କରିଛନ୍ତି। ସୂଚନା ଅନୁସାରେ, ଗୁଜରାଟରେ ତିନୋଟି ରାଜ୍ୟ ସଭା ଆସନ ପାଇଁ ନିର୍ବାଚନ ହେବ। ନାମାଙ୍କନପତ୍ର ପ୍ରତ୍ୟାହାର କରିବାର ଶେଷ ତାରିଖ ଜୁଲାଇ ୧୬ ରହିଥିବାବେଳେ ଚଳିତ ମାସ ଜୁଲାଇ ୨୪ରେ ନିର୍ବାଚନ ଅନୁଷ୍ଠିତ ହେବ। ବାକି ଦୁଇଟି ଆସନ ପାଇଁ ପ୍ରାର୍ଥୀଙ୍କ ଉପରେ ଭାଜପା ସଂସଦୀୟ ବୋର୍ଡ ଏପର୍ଯ୍ୟନ୍ତ ନିଷ୍ପତ୍ତି ନେଇନାହିଁ। ସୂଚନାଯୋଗ୍ୟ, ଗୁଜରାଟର ଅନ୍ୟ ଦୁଇ ରାଜ୍ୟ ସଭା ସଦସ୍ୟଙ୍କ ସହିତ ଜୟଶଙ୍କରଙ୍କ କାର୍ଯ୍ୟକାଳ ଅଗଷ୍ଟ ୧୮ରେ ଶେଷ ହେବ।
