ରାହୁଲ ଗାନ୍ଧୀଙ୍କ ଦ୍ୱୈତ ନାଗରିକତା ପ୍ରସଙ୍ଗରେ କେନ୍ଦ୍ର ସରକାରଙ୍କୁ ଚାରି ସପ୍ତାହ ସମୟ ଦେଇଛନ୍ତି ଅଦାଲତ
କଂଗ୍ରେସ ନେତା ରାହୁଲ ଗାନ୍ଧୀଙ୍କ ଦ୍ୱୈତ ନାଗରିକତା ପ୍ରସଙ୍ଗରେ ନିଷ୍ପତ୍ତି ନେବା ପାଇଁ ଆହ୍ଲାବାଦ ହାଇକୋର୍ଟର ଲକ୍ଷ୍ନୌ ଖଣ୍ଡପୀଠ କେନ୍ଦ୍ର ସରକାରଙ୍କୁ ଚାରି ସପ୍ତାହ ସମୟ ଦେଇଛନ୍ତି। ଆହ୍ଲାବାଦ ହାଇକୋର୍ଟର ଲକ୍ଷ୍ନୌ ବେଞ୍ଚ ଏହି ମାମଲାର ପରବର୍ତ୍ତୀ ଶୁଣାଣି ୨୧ ଏପ୍ରିଲ ୨୦୨୪ ଧାର୍ଯ୍ୟ କରିଛନ୍ତି। ଏହି ମାମଲାରେ ଗୃହ ମନ୍ତ୍ରଣାଳୟ ପକ୍ଷରୁ ଆଠ ସପ୍ତାହ ସମୟ ଦେବାକୁ ଦାବି କରାଯାଇଥିଲା।
କର୍ଣ୍ଣାଟକର ଜଣେ ଆବେଦନକାରୀ ଶିଶିରଙ୍କ ଦ୍ୱାରା ଦାୟର ଏକ ଆବେଦନ ଉପରେ ଏହି ମାମଲା ଆଧାରିତ, ଯାହା କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ଦ୍ୱାରା ଯାଞ୍ଚ ପାଇଁ ଦାବି କରିଛି। ସେମାନେ ଦାବି କରିଛନ୍ତି ଯେ ରାହୁଲ ଗାନ୍ଧୀଙ୍କ ନାଗରିକତ୍ୱ ସମ୍ବନ୍ଧରେ ସେମାନଙ୍କର ନୂତନ ପ୍ରମାଣ ଅଛି, ଯେଉଁଥିରେ ବ୍ରିଟେନ ସରକାରଙ୍କଠାରୁ ପ୍ରାପ୍ତ ଡକ୍ୟୁମେଣ୍ଟ ଏବଂ ଇମେଲ ଅନ୍ତର୍ଭୁକ୍ତ।ଆବେଦନକାରୀଙ୍କ କହିବାନୁସାରେ, ୨୦୦୩ ମସିହାରେ ଗଠିତ ଏବଂ ୨୦୦୯ ରେ ବନ୍ଦ ହୋଇଥିବା ବ୍ରିଟେନର ଏକ ପୂର୍ବତନ କମ୍ପାନୀ ରାହୁଲ ଗାନ୍ଧୀଙ୍କୁ ଏହାର ରେକର୍ଡରେ ବ୍ରିଟିଶ ନାଗରିକ ଭାବେ ଘୋଷଣା କରିଥିଲେ । ଭାରତୀୟ ନିୟମ ଅନୁଯାୟୀ, ଦ୍ୱୈତ ନାଗରିକତ୍ୱ ଅନୁମୋଦିତ ନୁହେଁ ଏବଂ ଯଦି ଜଣେ ଭାରତୀୟ ନାଗରିକ ଅନ୍ୟ ଦେଶର ନାଗରିକତ୍ୱ ଗ୍ରହଣ କରନ୍ତି, ତେବେ ଭାରତୀୟ ନାଗରିକତ୍ୱ ସ୍ୱତପ୍ରବୃତ୍ତ ଭାବେ ରଦ୍ଧ କରାଯିବ। ଏହି ପ୍ରସଙ୍ଗରେ ନିଷ୍ପତ୍ତି ନେବା ପାଇଁ ଆହ୍ଲାବାଦ ହାଇକୋର୍ଟ କେନ୍ଦ୍ର ସରକାରଙ୍କୁ ଚାରି ସପ୍ତାହ ସମୟ ଦେଇଛନ୍ତି।
