ମଙ୍ଗଳବାର ଦେଶରେ ସର୍ବକାଳୀନ ରେକର୍ଡ଼ ଭାଙ୍ଗିଛି ସୁନାଦର।
ଗତ କିଛି ଦିନ ମଧ୍ୟରେ ଲଗାତର ଭାବେ ବଢିଚାଲିଛି ସୁନାର ମୂଲ୍ୟ। ମଙ୍ଗଳବାର ଦେଶରେ ସର୍ବକାଳୀନ ରେକର୍ଡ଼ ଭାଙ୍ଗିଛି ସୁନାଦର। ୨୪ କ୍ୟାରେଟ୍ ସୁନା ଦାମ୍ ୮୭୦ ଟଙ୍କା ବୃଦ୍ଧି ପାଇଥିବାବେଳେ ୨୨ କ୍ୟାରେଟ୍ ସୁନା ୮୦୦ ଟଙ୍କା ବଢିଛି। ଆଜି ୨୪ କ୍ୟାରେଟ୍ ସୁନା ଦାମ୍ ୮୭ ହଜାର ୯୩୦ ଟଙ୍କାରେ ପହଞ୍ଚିଛି ଏବଂ ୨୨ କ୍ୟାରେଟ୍ ସୁନାର ମୂଲ୍ୟ ୮୦ ହଜାର ୬୦୦ ଟଙ୍କା ହୋଇଛି। ସେହିପରି ୧୮ କ୍ୟାରେଟ୍ ସୁନାର ମୂଲ୍ୟ ୬୫ ହଜାର ୯୫୦ ଟଙ୍କାରେ ପହଞ୍ଚିଛି, ଯାହା ସୋମବାର ୬୫ ହଜାର ୨୯୦ ଟଙ୍କା ଥିଲା। ଅପରପକ୍ଷେ, କିଲୋ ପ୍ରତି ୯୫ ହଜାର ୩୩୭ ଟଙ୍କାରେ ପହଞ୍ଚିଛି ରୂପା ଦର।
