ନାସା ଆକ୍ସିୟମ୍-୪ ମିଶନରେ ଭାରତୀୟ ବାୟୁସେନାର ଗ୍ରୁପ୍ କ୍ୟାପଟେନ୍ ଶୁଭାଂଶୁ ଶୁକ୍ଳା କରିବେ ଯାତ୍ରା
ନାସା ଆକ୍ସିୟମ୍-୪ ମିଶନକୁ ଅନୁମୋଦନ କରିଛି। ଯେଉଁଥିରେ ଭାରତୀୟ ବାୟୁସେନାର ଗ୍ରୁପ୍ କ୍ୟାପଟେନ୍ ଶୁଭାଂଶୁ ଶୁକ୍ଳା ଜଣେ ପାଇଲଟ୍ ଭାବରେ ମହାକାଶ ଯାତ୍ରା କରିବେ। ଏହି ମିଶନ ୧୪ ଦିନ ପର୍ଯ୍ୟନ୍ତ ରହିବ ଏବଂ ଏହା ଅନ୍ତର୍ଜାତୀୟ ମହାକାଶ କେନ୍ଦ୍ର (ISS) ଉପରେ ଗବେଷଣା କାର୍ଯ୍ୟ କରିବ। ଏହି ମିଶନର ନେତୃତ୍ୱ ନେବେ ପୂର୍ବତନ ନାସା ମହାକାଶଚାରୀ ଏବଂ ଆକ୍ସିୟମ୍ ସ୍ପେସ୍ ମାନବ ମହାକାଶ ଉଡ଼ାଣ ନିର୍ଦ୍ଦେଶକ ପେଗି ହ୍ୱିଟସନ୍। ଭାରତୀୟ ମହାକାଶ ଗବେଷଣା ସଂଗଠନ (ISRO)ର ମହାକାଶଚାରୀ ଶୁଭାଂଶୁ ଶୁକ୍ଳା ପାଇଲଟ୍ ଭୂମିକାରେ ଦାୟିତ୍ୱ ନିଭାଇବେ। ଏମାନଙ୍କ ସହିତ ୟୁରୋପୀୟ ମହାକାଶ ଏଜେନ୍ସି (ESA) ପ୍ରୋଜେକ୍ଟ ମହାକାଶଚାରୀ ସ୍ଲାଭୋଜ ଉଜନାନସ୍କି-ୱିସନିୱସ୍କି (ପୋଲାଣ୍ଡ) ଏବଂ ଟିବୋର କାପୁ (ହଙ୍ଗେରୀ) ମଧ୍ୟ ମିଶନରେ ଯୋଗଦେବେ।
ଶୁଭାଂଶୁ ଶୁକ୍ଳା ଅନ୍ତର୍ଜାତୀୟ ମହାକାଶ ଷ୍ଟେସନକୁ ଯିବାରେ ପ୍ରଥମ ଭାରତୀୟ ହେବେ। ସେ ଭାରତୀୟ ବାୟୁସେନା ସହିତ ଜଡିତ ଏବଂ ଭାରତର ମହତ୍ୱାକାଂକ୍ଷୀ ଗଗନଯାନ ମିଶନ ପାଇଁ ମଧ୍ୟ ତାଙ୍କୁ ମନୋନୀତ କରାଯାଇଛି। “ବ୍ୟକ୍ତିଗତ ମହାକାଶ ଯାତ୍ରା ପ୍ରତି ନିରନ୍ତର ଆଗ୍ରହ ଏବଂ ସମର୍ପଣ ଦେଖି ମୁଁ ଉତ୍ସାହିତ,” ନାସାର ଆନ୍ତର୍ଜାତୀୟ ମହାକାଶ ଷ୍ଟେସନ କାର୍ଯ୍ୟକ୍ରମ ପରିଚାଳକ ଡାନା ୱେଗେଲ କହିଛନ୍ତି। ନାସା ଭବିଷ୍ୟତର ନିମ୍ନ-ପୃଥିବୀ କକ୍ଷପଥ ସମ୍ଭାବନାକୁ ଦେଖୁଥିବା ସମୟରେ ଏହି ବ୍ୟକ୍ତିଗତ ମହାକାଶ ଯାତ୍ରା ଏକ ନୂତନ ସୁଯୋଗ। ସମ୍ଭାବନାର ଦ୍ୱାର ଖୋଲିଥାଏ।Ax-4 ମିଶନ ଅଧୀନରେ ମହାକାଶଚାରୀମାନେ SpaceX ଡ୍ରାଗନ୍ ଅନ୍ତରୀକ୍ଷ ଯାନରେ ଆନ୍ତର୍ଜାତୀୟ ମହାକାଶ ଷ୍ଟେସନରେ ପହଞ୍ଚିବେ। ସେଠାରେ ଏମାନେ ପ୍ରାୟ ୧୪ ଦିନ ରହିବେ ଏବଂ ବୈଜ୍ଞାନିକ ଗବେଷଣା କାର୍ଯ୍ୟରେ ଅଂଶଗ୍ରହଣ କରିବେ। ପେଗି ହ୍ୱିଟସନ କହିଛନ୍ତି “Axe-4 ର ପ୍ରତିଭାବାନ ଏବଂ ବିବିଧ ଦଳ ସହିତ କାମ କରିବା ମୋ ପାଇଁ ଅତ୍ୟନ୍ତ ପ୍ରେରଣାଦାୟକ ହୋଇଛି,” । ପ୍ରତ୍ୟେକ ସଦସ୍ୟ ସେମାନଙ୍କର ଅନନ୍ୟ ବିଶେଷଜ୍ଞତା ଏବଂ ଦୃଷ୍ଟିକୋଣ ଆଣିଥାନ୍ତି। ଯାହା ଏହି ମିଶନକୁ ବୈଜ୍ଞାନିକ ଭାବରେ ଗୁରୁତ୍ୱପୂର୍ଣ୍ଣ ଏବଂ ମାନବ ସମ୍ବଳ ବିକାଶ ପାଇଁ ଏକ ମହାନ ସମ୍ପତ୍ତି କରିଥାଏ। ଏବଂ ଏହା ଦଳଗତ କାର୍ଯ୍ୟର ପ୍ରତୀକ ମଧ୍ୟ ପାଲଟିଛି।”
ମହାକାଶ କ୍ଷେତ୍ରରେ ଭାରତ ଏବଂ ଆମେରିକା ମଧ୍ୟରେ ସହଯୋଗ ପାଇଁ Ax-4 ମିଶନ ଏକ ପ୍ରମୁଖ ପଦକ୍ଷେପ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ବର୍ଷ ତାଙ୍କର ଆମେରିକା ଗସ୍ତ ସମୟରେ ଏହି ମିଶନ ଘୋଷଣା କରିଥିଲେ। ଶୁଭାଂଶୁ ଶୁକ୍ଳା ଏବଂ ତାଙ୍କ ବ୍ୟାକଅପ୍ ପାଇଲଟ୍ ଗ୍ରୁପ୍ କ୍ୟାପ୍ଟେନ୍ ପ୍ରଶାନ୍ତ ନାୟାର ଏହି ମିଶନ ପାଇଁ NASA, ୟୁରୋପୀୟ ସ୍ପେସ୍ ଏଜେନ୍ସି (ESA) ଏବଂ ଜାପାନ ଏରୋସ୍ପେସ୍ ଏକ୍ସପ୍ଲୋରେସନ୍ ଏଜେନ୍ସି (JAXA) ସହିତ ବ୍ୟାପକ ତାଲିମ ନେଇଛନ୍ତି।
