![](https://abhigam.com/wp-content/uploads/2022/09/job-Employment-780x470.jpg)
ଆସନ୍ତା ୫ ବର୍ଷ ମଧ୍ୟରେ ସର୍ବଭାରତୀୟ ସ୍ତରରେ ୨୨ ପ୍ରତିଶତ ପର୍ଯ୍ୟନ୍ତ ମନ୍ଥର ରହିବ ଚାକିରି କ୍ଷେତ୍ର
ନୂଆଦିଲ୍ଲୀ: ଆସନ୍ତା ୫ ବର୍ଷ ମଧ୍ୟରେ ଭାରତୀୟ ଚାକିରି ବଜାରରେ ୨୨ ପ୍ରତିଶତ ପର୍ଯ୍ୟନ୍ତ ମନ୍ଥର ଦେଖିବାକୁ ମିଳିବା ନେଇ ଅନୁମାନ କରାଯାଉଛି । ଏଆଇ ମେସିନ, ମେସିନ ଲର୍ଣ୍ଣିଙ୍ଗ ଏବଂ ଡାଟା ସେଗମେଣ୍ଟରେ ଆସୁଥିବା ଶୀର୍ଷ ଉଦୀୟମାନ ଭୂମିକା ସହିତ ଏକ ନୂତନ ଅଧ୍ୟନ କରାଯାଇଛି । ବିଶ୍ୱ ଅର୍ଥନୈତିକ ଫୋରମ ଏହାର ସର୍ବଶେଷ ଫ୍ୟୁଚର ଅଫ ଜବ୍ସ ରିପୋର୍ଟରେ କହିଛି ଯେ, ସର୍ବଭାରତୀୟ ସ୍ତରରେ ଚାକିରି ମାର୍କେଟରେ ୨୩% ମନ୍ଥର ହେବ । ଏଥିରେ ୬୯ ନିୟୁତ ନୂତନ ନିଯୁକ୍ତି ସୃଷ୍ଟି ହେବ ଏବଂ ୮୩ ନିୟୁତ ନିଯୁକ୍ତି ପାଇବ ବୋଲି ଆଶା କରାଯାଉଛି ।
ଡବ୍ଲୁଇଏଫ କହିଛି ଯେ, ଆସନ୍ତା ୫ ବର୍ଷ ମଧ୍ୟରେ ପ୍ରାୟ ଏକ-ଚତୁର୍ଥାଂଶ ଚାକିରୀ(୨୩ ପ୍ରତିଶତ) ୧୦.୨ ପ୍ରତିଶତ ବୃଦ୍ଧି ଏବଂ ବୈଶ୍ୱିକ ସ୍ତରରେ ୧୨.୩ ହ୍ରାସ ହେବା ନେଇ ଆଶା କରାଯାଉଛି । ଏହି ରିପୋର୍ଟ ପାଇଁ ସର୍ବେକ୍ଷଣ କରାଯାଇଥିବା ୮୦୩ଟି କମ୍ପାନୀର ଆକଳନ ଅନୁଯାୟୀ, ନିଯୁକ୍ତିଦାତାଙ୍କ ତରଫରୁ ୬୯ ନିୟୁତ ନୂତନ ନିଯୁକ୍ତି ସୃଷ୍ଟି ହେବା ନେଇ ଆଶା ରହିଛି । ଡାଟାସେଟ ସହିତ ଜଡିତ ୬୭୩ ନିୟୁତ ଚାକିରି ଭିତରୁର ୮୩ ନିୟୁତ ସମାପ୍ତ ହୋଇଯାଇଥାଏ ।
ତେବେ ଭାରତ ବିଷୟରେ କୁହାଯାଇଛି ଯେ, ୬୧ ପ୍ରତିଶତ କମ୍ପାନୀ ଚିନ୍ତା କରନ୍ତି ଯେ, ଇଏସଜି(ପରିବେଶ, ସାମାଜିକ ଏବଂ ଶାସନ)ର ବ୍ୟାପ ପ୍ରୟୋଗ ଦ୍ୱାରା ଚାକିରିରେ ବୃଦ୍ଧି ଘଟିବ । ଏହାପରେ ନୂଆ ଜ୍ଞାନକୌଶଳ ଆପଣେଇବାରେ ବୃଦ୍ଧ(୫୯ପ୍ରତିଶତ) ଏବଂ ଡିଜିଟାଲ ପ୍ରବେଶ(୫୫ ପ୍ରତିଶତ)କୁ ବିସ୍ତୃତ କରାଯିବ । ଏଥିରେ କୁହାଯାଇଛି ଯେ, ଭାରତରେ ଶିଳ୍ପ ପରିବର୍ତ୍ତନ ପାଇଁ ପ୍ରମୁଖ ଭୂମିକାରେ ଏଆଇ(କୃତ୍ରିମ ବୁଦ୍ଧିମତା) ଏବଂ ମେସିନ ଲର୍ଣ୍ଣିଂ ବିଶେଷଜ୍ଞ ଏବଂ ଡାଟା ବିଶ୍ଳେଷକ ଏବଂ ବୈଜ୍ଞାନିକ ମାନେ ରହିବେ । ଉତ୍ପାଦନ, ତୈଳ ଏବଂ ଗ୍ୟାସ ଇତ୍ୟାଦିରେ ସର୍ବଭାରତୀୟ ସ୍ତରରେ ସବୁଜ କୌଶଳ ତୀବ୍ରତାର ଉଚ୍ଚତମ ସ୍ତର ରହିଛି । ଏଥିରେ ଭାରତ, ଆମେରିକା ଏବଂ ଫିନଲାଣ୍ଡ ତାଲିକାର ଶୀର୍ଷରେ ସ୍ଥାନ ପାଇଛନ୍ତି ।