ନୌସେନା ଦିବସ ଅବସରରେ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ, ରାଷ୍ଟ୍ରପତି ଓ ପ୍ରତିରକ୍ଷା ମନ୍ତ୍ରୀ
ନୂଆଦିଲ୍ଲୀ: ଆଜି ନୌସେନା ଦିବସ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୌସେନାକୁ ଶୁଭେଚ୍ଛା ଜଣାଇବା ସହିତ ଟ୍ୱିଟ କରିଛନ୍ତିଯେ, ବହୁ ପ୍ରତିକୂଳ ପରିସ୍ଥିତିରେ ନୌସେନା ଦେଶକୁ ସୁରକ୍ଷା ଦେଇଛି । ସମୁଦ୍ରତଟକୁ ଶତ୍ରୁ କବଳରୁ ସୁରକ୍ଷିତ ରଖିଛନ୍ତି । ଏଥିପାଇଁ ନୌସେନାର ଅବଦାନ ମହତ୍ । ନୌସେନା ଯବାନ ଓ ସେମାନଙ୍କ ପରିବାରକୁ ସେ ବଧେଇ ଜଣାଇଛନ୍ତି । ସାମୁଦ୍ରିକ ସୁରକ୍ଷା ପାଇଁ ଆମେ ସମସ୍ତ ଭାରତୀୟ ଗର୍ବିତ ବୋଲି ମୋଦୀ ତାଙ୍କ ଟ୍ୱିଟରେ ଉଲ୍ଲେଖ କରିଛନ୍ତି ।
Best wishes on Navy Day to all navy personnel and their families. We in India are proud of our rich maritime history. The Indian Navy has steadfastly protected our nation and has distinguished itself with its humanitarian spirit during challenging times. pic.twitter.com/nGxoWxVLaz
— Narendra Modi (@narendramodi) December 4, 2022
ଡିସେମ୍ୱର ୪ତାରିଖକୁ ନୌସେନା ଦିବସ ଭାବେ ପାଳନ କରାଯାଉଛି । ୧୯୭୧ରେ ଭାରତ-ପାକ୍ ଯୁଦ୍ଧ ସମୟରେ ‘ଅପରେସନ ଟ୍ରାଇଡେଣ୍ଟ’ ପରଠାରୁ ନୌସେନାର ସଫଳତାକୁ ସ୍ମରଣ କରିବା ପାଇଁ ନୌସେନା ଦିବସ ପାଳନ ହେଉଛି । ଏହି ଅବସରରେ ଦେଶର ସବୁ ତଟୀୟପ୍ରାନ୍ତରେ ନୌସେନା ଦିବସ ଜାକଜମକରେ ପାଳନ କରୁଛି ନୌସେନା । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମଧ୍ୟ ନୌସେନାକୁ ଶୁଭେଚ୍ଛା ଜଣାଇଛନ୍ତି ।
