ମଣିପୁରରେ ପାଞ୍ଚ ଦିନ ପାଇଁ ଇଣ୍ଟରନେଟ୍ ଏବଂ ମୋବାଇଲ୍ ଡାଟା ଉପରେ ଲାଗିବ ପ୍ରତିବନ୍ଧକ

ମଣିପୁରରେ ପୁଣି ବ୍ୟାପିଲା ହିଂସା । ସରକାର ମଙ୍ଗଳବାର ରାଜ୍ୟରେ ପାଞ୍ଚ ଦିନ ପାଇଁ ଇଣ୍ଟରନେଟ୍ ଏବଂ ମୋବାଇଲ୍ ଡାଟା ଉପରେ ପ୍ରତିବନ୍ଧକ ଲଗାଇବାକୁ ନିଷ୍ପତ୍ତି ନେଇଛନ୍ତି। ମଣିପୁର ସରକାରଙ୍କ ନିଷ୍ପତ୍ତି ଅନୁଯାୟୀ, ସେପ୍ଟେମ୍ବର 15 ରେ ଅପରାହ୍ନ 3 ଟା ପର୍ଯ୍ୟନ୍ତ ରାଜ୍ୟରେ ଇଣ୍ଟରନେଟ୍ ଏବଂ ମୋବାଇଲ୍ ଡାଟା ସେବା ବ୍ୟାନ୍ କରାଯାଇଛି ।ସୋସିଆଲ ମିଡିଆରେ ଘୃଣ୍ୟାର ପ୍ରଚାର କରୁଥିବା ଫଟୋ, ଭିଡିଓର ପ୍ରଚାରକୁ ରୋକିବା ପାଇଁ ଗୃହ ବିଭାଗ ଇଣ୍ଟରନେଟରେ ପ୍ରତିବନ୍ଧକ ଲଗାଇବା ପାଇଁ ଏକ ପ୍ରମୁଖ ନିଷ୍ପତ୍ତି ନେଇଥିଲା।ବିଜ୍ଞପ୍ତିରେ କୁହାଯାଇଛି ଯେ ମଣିପୁରରେ ଲିଜ୍ ଲାଇନ, VSAT, ବ୍ରଡବ୍ୟାଣ୍ଡ ଏବଂ ଭିପିଏନ୍ ସେବା ସମେତ ଇଣ୍ଟରନେଟ୍ ଏବଂ ମୋବାଇଲ୍ ଡାଟା ସେବା ସ୍ଥଗିତ ରଖିବାକୁ ନିର୍ଦ୍ଦେଶ ଦିଆଯାଇଛି।ମଙ୍ଗଳବାର ରେ ବିକ୍ଷୋଭକାରୀମାନେ ରାଜ ଭବନ ଆଡକୁ ଯିବାକୁ ଚେଷ୍ଟା କରିଥିଲେ। ଛାତ୍ର ଓ ମହିଳା ପ୍ରଦର୍ଶନକାରୀଙ୍କ ସହ ସଂଘର୍ଷରେ ସୁରକ୍ଷା ବାହିନୀ ଲୁହବୁହା ଗ୍ୟାସ ଗୁଳି ଚଳାଇଥିଲା। ଡିଜିପି ଏବଂ ମଣିପୁର ସରକାରଙ୍କ ସୁରକ୍ଷା ପରାମର୍ଶଦାତାଙ୍କୁ ହଟାଇବା ଦାବିରେ ବିକ୍ଷୋଭକାରୀମାନେ ଜିଦ୍ ଧରିଛନ୍ତି।ସୋମବାର ଶତାଧିକ ଛାତ୍ର ବିଟି ରୋଡ ଦେଇ ରାଜ ଭବନ ଅଭିମୁଖେ ଯାତ୍ରା କରିବାକୁ ଚେଷ୍ଟା କରିଥିଲେ କିନ୍ତୁ କଂଗ୍ରେସ ଭବନ ନିକଟରେ ସୁରକ୍ଷା ବାହିନୀ ସେମାନଙ୍କୁ ଅଟକାଇ ଥିଲେ।ମଙ୍ଗଳବାର , ଇମ୍ଫାଲ୍ ୱେଷ୍ଟ୍ ଏବଂ ଇମ୍ଫାଲ୍ ପୂର୍ବର ଜିଲ୍ଲା ମାଜିଷ୍ଟ୍ରେଟ୍ମାନେ ଉଭୟ ଜିଲ୍ଲାରେ କର୍ଫ୍ୟୁ ଲାଗୁ କରିଛନ୍ତି।