ରାଜସ୍ଥାନରେ ବହୁତ ବଡ ଲିଥିୟମ ଭଣ୍ଡାର ଠାବ
ନୂଆଦିଲ୍ଲୀ : ଜାମ୍ମୁ କାଶ୍ମୀର ପରେ ବର୍ତ୍ତମାନ ରାଜସ୍ଥାନରେ ଲିଥିୟମର ବହୁତ ବଡ ଭଣ୍ଡାର ଆବିଷ୍କୃତ ହୋଇଛି । ଜିଓଲୋଜିକାଲ ସର୍ଭେ ଅଫ୍ ଇଣ୍ଡିଆ ର ଅଧିକାରୀମାନେ ମଧ୍ୟ ଏହା ନିଶ୍ଚିତ କରିଛନ୍ତି। ଜାମ୍ମୁ କାଶ୍ମୀରରେ ମିଳିଥିବା ଭଣ୍ଡାର ଠାରୁ ଏହି ଲିଥିୟମ ଭଣ୍ଡାର ବହୁତ ବଡ ବୋଲି କୁହାଯାଉଛି । ରାଜସ୍ଥାନରେ ମିଳୁଥିବା ଲିଥିୟମ୍ ଦେଶର ୮୦% ଚାହିଦା ପୂରଣ କରିପାରିବ ବୋଲି ଅଧିକାରୀମାନେ ଦାବି କରିଛନ୍ତି।
ସୂଚନାଯୋଗ୍ୟ, ଫେବୃଆରୀରେ ଜାମ୍ମୁ କାଶ୍ମୀରରେ ଲିଥିୟମ ଭଣ୍ଡାର ଆବିଷ୍କୃତ କରାଯାଇଥିଲା । ଭାରତର ଜିଓଲୋଜିକାଲ୍ ସର୍ଭେ ଅନୁଯାୟୀ ଜାମ୍ମୁ କାଶ୍ମୀରର ରେସି ଜିଲ୍ଲାରେ ୫.୯ ନିୟୁତ ଟନ୍ ଲିଥିୟମ୍ ଜମା ରହିଛି।
ଏକ ରିପୋର୍ଟ ଅନୁଯାୟୀ, ଲିଥିୟମ୍ ଭଣ୍ଡାର ଉପଲବ୍ଧତା ହେତୁ ବୈଦ୍ୟୁତିକ ଯାନଗୁଡ଼ିକର ମୂଲ୍ୟ ଯଥେଷ୍ଟ ହ୍ରାସ ହୋଇପାରେ। ଏହା ଆଗାମୀ ସମୟରେ ଇଭି ଯାନ ବଜାରକୁ ବହୁତ ଲାଭ ଦେଇପାରିବ । ରାଜସ୍ଥାନରୁ ଏହି ଭଣ୍ଡାର ମିଳିବା ପରେ ଏବେ ମେଘାଳୟ, ଆନ୍ଧ୍ରପ୍ରଦେଶ ଏବଂ ଛତିଶଗଡରେ ମଧ୍ୟ ଲିଥିୟମ୍ ସର୍ଭେ ଅଭିଯାନ ଚାଲିବ । ରିପୋର୍ଟ ଅନୁଯାୟୀ ଲିଥିୟମର ଗ୍ଲୋବାଲ୍ ମାର୍କେଟିଂ ଦ୍ରୁତ ଗତିରେ ବୃଦ୍ଧି ପାଉଛି । ୨୦୦୮ ରୁ ୨୦୧୮ ମଧ୍ୟରେ ବାର୍ଷିକ ଉତ୍ପାଦନ ୨୫,୪୦୦ ରୁ ୮୫,୦୦୦ ଟନ୍ କୁ ବୃଦ୍ଧି ପାଇଛି । ବୈଦ୍ୟୁତିକ ଯାନ ବ୍ୟାଟେରୀରେ ଲିଥିୟମ୍ ସାଧାରଣତଃ ବ୍ୟବହୃତ ହୁଏ । ଏହା ବ୍ୟତୀତ ଲିଥିୟମ୍ ଲାପଟପ୍ ଏବଂ ସେଲ୍ ଫୋନ୍ ବ୍ୟାଟେରୀ ପାଇଁ ମଧ୍ୟ ବ୍ୟବହୃତ ହୁଏ ।
