ପୁଞ୍ଚରେ ବଡ ଧରଣର ଦୁର୍ଘଟଣା : ଭାରତୀୟ ସେନାର ୫ ଜଣ ଯବାନ ସହିଦ
ଜାମ୍ମୁ- କାଶ୍ମୀରର ପୁଞ୍ଚରେ ବଡ ଧରଣର ଦୁର୍ଘଟଣା। ଭାରତୀୟ ସେନାର ଏକ ଗାଡି ଗଭୀର ଖାଇକୁ ଖସିପଡିଛି। ଏହି ଦୁର୍ଘଟଣାରେ ୫ ଜଣ ଯବାନ ସହିଦ ହୋଇଥିବା ବେଳେ ଏକାଧିକ ଯବାନ ଆହତ ହୋଇଥିବା ଜଣାପଡିଛି।ମଙ୍ଗଳବାର ଜାମ୍ମୁର ପୁଞ୍ଚ ଜିଲ୍ଲାର ମେଣ୍ଡର ଅଞ୍ଚଳରେ ଏହି ଦୁର୍ଘଟଣା ଘଟିଛି। ଭାରତୀୟ ସେନାର ଯବାନଙ୍କୁ ନେଇ ଯାଉଥିବା ଗାଡ଼ି ୩୦୦ ଫୁଟ୍ ତଳକୁ ଖସିପଡିଛି। ଏହି ଦୁର୍ଘଟଣାରେ ୫ଜଣ ଯବାନ ସହିତ ହୋଇଥିବା ବେଳେ ଅନେକ ଯବାନ ଆହତ ହୋଇଥିବା ଜଣାଯାଇଛି। ଦୁର୍ଘଟଣାର ସୂଚନା ମିଳିବା ପରେ ଉଦ୍ଧାର କାର୍ଯ୍ୟ ଚାଲିଛି ଏବଂ ଆହତ ଯବାନଙ୍କୁ ହସ୍ପିଟାଲରେ ଭର୍ତ୍ତି କରାଯାଉଛି।
