ପ୍ରଧାନମନ୍ତ୍ରୀଙ୍କୁ ଭେଟିଲେ ଓସ୍କାର ବିଜେତା ଗୁନିତ ମୋଙ୍ଗା ଏବଂ କାର୍ତ୍ତିକ ଗୋନସାଲଭେସ
ନୂଆଦିଲ୍ଲୀ : ଓସ୍କାର ବିଜେତା ଫିଲ୍ମ ‘ଦି ଏଲିଫ୍ୟାଣ୍ଟ ହ୍ୱିସ୍ପର’ର ନିର୍ମାତା ଗୁନିତ ମୋଙ୍ଗା ଏବଂ ନିର୍ଦ୍ଦେଶକ କାର୍ତ୍ତିକି ଗୋନସାଲଭେସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି। ପ୍ରଧାନମନ୍ତ୍ରୀ ଟୁଇଟ୍ ଯୋଗେ ସାକ୍ଷାତ ସମୟର ଏକ ଫଟୋ ମଧ୍ୟ ସେୟାର କରିଛନ୍ତି। ସେ ଲେଖିଛନ୍ତି, ‘ଦି ଏଲିଫ୍ୟାଣ୍ଟ ହ୍ୱିସପର’ ଫିଲ୍ମଟି ବିଶ୍ୱ ରେକର୍ଡ଼ କରିଛି। ଏହାର ପୁରାଟିମ୍ ସମଗ୍ର ବିଶ୍ୱରେ ଭାରତକୁ ଗର୍ବିତ କରିଛନ୍ତି। ସେଥିଲାଗି ପୁରା ଟିମ୍କୁ ଧନ୍ୟବାଦ। ଆଗକୁ ଆହୁରି ଉନ୍ନତ ଧରଣର ଫିଲ୍ମ ପ୍ରସ୍ତୁତ କରିବାକୁ ପରାମର୍ଶ ଦେଇଛନ୍ତି। ଏହି ଫିଲ୍ମ ୯୫ତମ ଏକାଡେମୀ ପୁରସ୍କାର ୨୦୨୩ରେ ‘ଦି ବେଷ୍ଟ ଡକ୍ୟୁମେଣ୍ଟାରୀ ସର୍ଟ ବର୍ଗ’ରେ ଓସ୍କାର ଜିତିଥିଲା ।
