ଆନ୍ତର୍ଜାତୀୟ ମୁଦ୍ରା ପାଣ୍ଠିର ନୂଆ ପଦକ୍ଷେପ ପାକିସ୍ତାନକୁ ଦେଇଛି ଝଟକା
ଆନ୍ତର୍ଜାତୀୟ ମୁଦ୍ରା ପାଣ୍ଠିର ନୂଆ ପଦକ୍ଷେପ ପାକିସ୍ତାନକୁ ଝଟକା ଦେଇଛି । ଆନ୍ତର୍ଜାତୀୟ ମୁଦ୍ରା ପାଣ୍ଠି ପାକିସ୍ତାନ ଉପରେ ଏହାର ରିଲିଫ୍ କାର୍ଯକ୍ରମ ପରବର୍ତ୍ତୀ ପର୍ଯ୍ୟାୟ ଜାରି କରିବା ପାଇଁ ୧୧ଟି ନୂତନ ସର୍ତ୍ତ ଲାଗୁ କରିଛି।ପାକିସ୍ତାନ ଉପରେ ଲାଗୁ ହୋଇଥିବା ନୂତନ ସର୍ତ୍ତଗୁଡ଼ିକ ମଧ୍ୟରେ ୧୭.୬ ଟ୍ରିଲିୟନ ଟଙ୍କାର ନୂତନ ବଜେଟକୁ ସଂସଦୀୟ ଅନୁମୋଦନ, ବିଦ୍ୟୁତ୍ ବିଲ୍ ଉପରେ ଋଣ ସେବା ଶୁଳ୍କ ବୃଦ୍ଧି ଏବଂ ତିନି ବର୍ଷରୁ ପୁରୁଣା କାର ଆମଦାନୀ ଉପରେ ପ୍ରତିବନ୍ଧକ ଉଠାଇବା ଅନ୍ତର୍ଭୁକ୍ତ। ଏକ୍ସପ୍ରେସ ଟ୍ରିବ୍ୟୁନ୍ ଖବରକାଗଜ କହିଛି ଓଗୠ ଦ୍ୱାରା ପ୍ରକାଶିତ କର୍ମଚାରୀ ସ୍ତରୀୟ ରିପୋର୍ଟରେ ଏହା ମଧ୍ୟ କୁହାଯାଇଛି ଯେ “ଭାରତ ଏବଂ ପାକିସ୍ତାନ ମଧ୍ୟରେ ବଢ଼ୁଥିବା ଉତ୍ତେଜନା, ଯଦି ଏହା ଜାରି ରହେ କିମ୍ବା ଆହୁରି ଖରାପ ହୁଏ, ତେବେ କାର୍ଯ୍ୟକ୍ରମ ଆର୍ଥିକ, ବାହ୍ୟ ଏବଂ ସଂସ୍କାର ଉଦ୍ଦେଶ୍ୟ ପ୍ରତି ବିପଦ ବଢ଼ିପାରେ।
ଭାରତ ସହିତ ବିବାଦ ବୃଦ୍ଧି ପାଇବା ପରେ ସରକାର ଏହି ମାସର ଆରମ୍ଭରେ ପ୍ରତିରକ୍ଷା କ୍ଷେତ୍ର ପାଇଁ ଆଇଏମଏଫ ଆକଳନ ଅପେକ୍ଷା ୨,୫୦୦ ବିଲିୟନ ଟଙ୍କା କିମ୍ବା ୧୮ ପ୍ରତିଶତ ଅଧିକ ବ୍ୟୟବରାଦ କରିବାକୁ ସୂଚିତ କରିଛନ୍ତି । ଓଗୠ ରିପୋର୍ଟରେ ଆଗାମୀ ଆର୍ଥିକ ବର୍ଷ ପାଇଁ ପାକିସ୍ତାନର ପ୍ରତିରକ୍ଷା ବଜେଟ୍ ୨.୪ ଟ୍ରିଲିୟନ ଟଙ୍କା ଦର୍ଶାଯାଇଛି, ଯାହା ୧୨ ପ୍ରତିଶତ ବୃଦ୍ଧି ହୋଇଛି । ଏହି ମାସର ଆରମ୍ଭରେ ଭାରତ ସହିତ ମୁହାଁମୁହିଁ ହେବା ପରେ ଶାହବାଜ ସରକାର ବଜେଟରେ ଓଗୠ ଆକଳନ ଅପେକ୍ଷା ୨.୫ ଟ୍ରିଲିୟନ ଟଙ୍କା କିମ୍ବା ୧୮ ପ୍ରତିଶତ ଅଧିକ ବ୍ୟୟବରାଦ କରିବାକୁ କହିଛନ୍ତି ।
