ପଦ୍ମ ଭୂଷଣ ବିଜେତା ଶାରଦା ସିହ୍ନାଙ୍କର ପରଲୋକ
ବିହାରର ‘ଲତା ମଙ୍ଗେଶକର’ ଭାବରେ ଜଣାଶୁଣା ତଥା ପଦ୍ମ ଭୂଷଣ ବିଜେତା ଶାରଦା ସିହ୍ନାଙ୍କର ଗତ କାଲି ଦେହାନ୍ତ ହୋଇଛି । ମଙ୍ଗଳବାର 72 ବର୍ଷ ବୟସରେ ସେ ନିଜର ଶେଷ ନିଶ୍ୱାସ ତ୍ୟାଗ କରିଛନ୍ତି। ସେ ଦୀର୍ଘ ଦିନ ଧରି କର୍କଟ ରୋଗରେ ପୀଡିତ ଥିଲେ ଏବଂ ଗତ 11 ଦିନ ଧରି AIIMS ରେ ଭର୍ତ୍ତି ହୋଇଥିଲେ। ଗତକାଲି ସକାଳୁ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା ହେଲେ ରାତିରେ ତାଙ୍କର ଦେହାନ୍ତ ହୋଇଥିଲା ।ଦିଲ୍ଲୀ AIIMS ଅନୁଯାୟୀ, ଶାରଦା ସିହ୍ନା ମଙ୍ଗଳବାର ରାତି 9:20 ରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ପ୍ରଧାନମନ୍ତ୍ରୀ ମୋଦି ଏବଂ ସିଏମ ନୀତୀଶ କୁମାର ଶାରଦା ସିହ୍ନାଙ୍କ ଦେହାନ୍ତକୁ ସଙ୍ଗୀତ କ୍ଷେତ୍ରରେ ଏକ ଅପୂରଣୀୟ କ୍ଷତି ବୋଲି ବର୍ଣ୍ଣନା କରିଛନ୍ତି।
ପାଟନାରେ ରାଜ୍ୟ ସମ୍ମାନ ସହିତ ଶାରଦା ସିହ୍ନାଙ୍କ ଶେଷ ରୀତିନୀତି ଅନୁଷ୍ଠିତ ହେବ। ଆଜି ମୃତ ଦେହକୁ ଦିଲ୍ଲୀରୁ ପାଟନାକୁ ଅଣାଯିବ, ଯେଉଁଠାରେ ତାଙ୍କର ଲକ୍ଷ ଲକ୍ଷ ପ୍ରଶଂସକ ତାଙ୍କୁ ଅନ୍ତିମ ବିଦାୟ ଜଣାଇବେ । ତେଣୁ ପରିବାର ପକ୍ଷରୁ ନିଷ୍ପତ୍ତି ନିଆଯାଇଛି ଯେ ଆଜି ତାଙ୍କର ଶେଷ ରୀତିନୀତି କରାଯିବ ନାହିଁ ଆସନ୍ତାକାଲି ଅର୍ଥାତ୍ ଗୁରୁବାର (07 ନଭେମ୍ବର) ତାଙ୍କର ଅନ୍ତିମ ସଂସ୍କାର କରାଯିବ ।
