ଶତ୍ରୁ ଗତିବିଧି ଉପରେ ନଜର ରଖିବାକୁ ସେନାକୁ ମିଳିଲା ସ୍ୱତନ୍ତ୍ର ଉପକରଣ
ନୂଆଦିଲ୍ଲୀ: ଏଲଏସିରେ ଚୀନ୍ ସହିତ ଚାଲିଥିବା ବିବାଦ ମଧ୍ୟରେ ଭାରତୀୟ ସେନାର ହେଲିକପ୍ଟରକୁ ଏକ ସ୍ୱତନ୍ତ୍ର ଉପକରଣ ମିଳିଛି । ଯାହା ସୀମାରେ ପଇଁତରା ମାରିବା ସମୟରେ ଶତ୍ରୁ ବଙ୍କ ଭିତରେ ଲୁଚି ରହିଥିଲେ କିମ୍ବା ଏକ ନିର୍ଦ୍ଦିଷ୍ଟ ପରିଧି ଭିତରେ ଅନ୍ୟ କୈଣସି ସ୍ଥାନରେ ଲୁଚିଥିଲେ ଗତିବିଧି ଉପରେ ନଜର ରଖିପାରିବ ଏହି ଉପକରଣ।
ସଠିକ୍ ସୂଚନା ପ୍ରଦାନ କରିପାରୁଥିବା ଏହି ଡିଭାଇସ ‘ଡାଉନ୍ ଲିଙ୍କ୍ ଉପକରଣ’ ଏକ ସ୍ୱଦେଶୀ କମ୍ପାନୀ ଦ୍ୱାରା ପ୍ରସ୍ତୁତ ହୋଇଛି। ମଙ୍ଗଳବାର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏହି ଡାଉନ ଲିଙ୍କ ଉପକରଣକୁ ଭାରତୀୟ ସେନାକୁ ହସ୍ତାନ୍ତର କରିଛନ୍ତି।
ଚୀନ୍ ସହିତ ଚାଲିଥିବା ବିବାଦ ସମୟରେ, ପୂର୍ବ ଲଦାଖ ନିକଟରେ ଥିବା ଲାଇନ୍ ଅଫ୍ କଣ୍ଟ୍ରୋଲ୍ (ଏଲଏସି)ରେ ଯେକୌଣସି ପରିସ୍ଥିତିର ମୁକାବିଲା ପାଇଁ ଭାରତୀୟ ସେନା ତୁରନ୍ତ ପ୍ରସ୍ତୁତ ହେବା ଆବଶ୍ୟକ ଥିଲା। ଏଭଳି ପରିସ୍ଥିତିରେ ଚୀନ୍ର ପ୍ରତ୍ୟେକ ଗତିବିଧି ଉପରେ ଏଲଏସି ଏବଂ ବିଶେଷ କରି ପୂର୍ବ ଲଦାଖ ନିକଟବର୍ତ୍ତୀ ଅଞ୍ଚଳରେ ତୀକ୍ଷ୍ଣ ନଜର ରଖିବା ଆବଶ୍ୟକ ଥିଲା। ଏଥିରେ ଚାଇନାର ବଙ୍କର, କ୍ୟାମ୍ପ, ବନ୍ଧୁକ ଏବଂ ମୋର୍ଟାର ଅବସ୍ଥାନ ଉପରେ ନଜର ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା। ଏହା ବ୍ୟତୀତ ଚୀନ୍ ସୈନିକ ଏବଂ ସେମାନଙ୍କର ସାମରିକ ଯାନବାହନ ମଧ୍ୟ ଗୁରୁତ୍ୱପୂର୍ଣ୍ଣ ଥିଲା।
ସୂଚନାନୁସାରେ, ଭାରତୀୟ ସେନାର ଆଭିଏସନ୍ କର୍ପସରେ ଏପରି ସ୍ୱଦେଶୀ ହେଲିକପ୍ଟର ରହିଥିଲା ଯେଉଁଥିରେ ଇଲେକ୍ଟ୍ରୋ-ଅପ୍ଟିକ୍ ପୋଡ୍ ଲଗାଯାଇଥିଲା ଯେଉଁଥିରେ ଅନୁସନ୍ଧାନ ଏବଂ ତଦାରଖ କରାଯାଇପାରିବ। କିନ୍ତୁ ଯେକୌଣସି ଅପରେସନ୍ ପାଇଁ, ଶତ୍ରୁର ଅବସ୍ଥାନକୁ ସଠିକ୍ ଭାବରେ ଚିହ୍ନଟ କରି ଏବଂ ଅପରେସନ୍ ପରେ ଶତ୍ରୁକୁ ହୋଇଥିବା କ୍ଷୟକ୍ଷତି ବିଷୟରେ ସଠିକ୍ ସୂଚନା ପାଇଁ ରଣନୀତି ପ୍ରସ୍ତୁତ କରିବା ପାଇଁ ଏକ ରେକର୍ଡରର ବହୁତ ଆବଶ୍ୟକତା ଥିଲା।
ଏଭଳି ପରିସ୍ଥିତିରେ ଭାରତୀୟ କମ୍ପାନୀ ଆକ୍ସିକମ୍ ପ୍ରାଇଭେଟ ଲିମିଟେଡ୍ ଭାରତୀୟ ସେନାର ALH-Mark 3 ‘Dhruv’ ଏବଂ ALH-W SI (‘Rudra’) ହେଲିକପ୍ଟର ପାଇଁ ‘ଡାଉନଲିଙ୍କ୍ ଉପକରଣ ସହିତ ରେକର୍ଡିଂ ସୁବିଧା’ ପ୍ରସ୍ତୁତ କରିଛି।
