ଆସନ୍ତା ରବିବାର ସୁଦ୍ଧା ଶେଷ ହେବ ଭାରତ ବାଂଲାଦେଶୀ ମତ୍ସ୍ୟଜୀବିଙ୍କ ପ୍ରତ୍ୟାବର୍ତ୍ତନ ପ୍ରକ୍ରିୟା
ବାଂଲାଦେଶ ବୈଦେଶିକ ମନ୍ତ୍ରଣାଳୟ କହିଛି ଯେ ବାଂଲାଦେଶରେ ଅଟକ ଥିବା ୯୫ ଜଣ ଭାରତୀୟ ମତ୍ସ୍ୟଜୀବୀ ଏବଂ ଭାରତରେ ଅଟକ ଥିବା ୯୦ ଜଣ ବାଂଲାଦେଶୀ ମତ୍ସ୍ୟଜୀବୀଙ୍କ ପ୍ରତ୍ୟାବର୍ତ୍ତନ ପ୍ରକ୍ରିୟା ଆସନ୍ତା ରବିବାର ସୁଦ୍ଧା ଶେଷ ହେବ ବୋଲି ଆଶା କରାଯାଉଛି।ଏକ ପ୍ରେସ୍ ବିଜ୍ଞପ୍ତି ଜାରି କରି ମନ୍ତ୍ରଣାଳୟ କହିଛି ଯେ ବାଂଲାଦେଶ ତଟରକ୍ଷୀ ବାହିନୀ ୯୫ ଜଣ ଭାରତୀୟ ମତ୍ସ୍ୟଜୀବୀ ଓ କ୍ରୁ ସଦସ୍ୟଙ୍କୁ ଭାରତୀୟ ତଟରକ୍ଷୀ ବାହିନୀକୁ ହସ୍ତାନ୍ତର କରିବା ଏବଂ ୯୦ ଜଣ ବାଂଲାଦେଶୀ ମତ୍ସ୍ୟଜୀବୀ ଓ କ୍ରୁ ସଦସ୍ୟଙ୍କୁ ଗ୍ରହଣ କରିବା ପ୍ରକ୍ରିୟା ଆରମ୍ଭ କରିଛି। ଏହାବ୍ୟତୀତ ଭାରତରେ ଅଟକ ଥିବା ୨ଟି ବାଂଲାଦେଶୀ ମାଛଧରା ଜାହାଜ ଏବଂ ବାଂଲାଦେଶରେ ଅଟକ ଥିବା ୬ଟି ଭାରତୀୟ ମାଛଧରା ଡଙ୍ଗାକୁ ମଧ୍ୟ ଦୁଇ ତଟରକ୍ଷୀ ବାହିନୀ ମଧ୍ୟରେ ବିନିମୟ କରାଯିବ।
୨୦୨୪ ଅକ୍ଟୋବର ଓ ନଭେମ୍ବର ମାସରେ ବାଂଲାଦେଶ ଜଳସୀମା ଭିତରେ ୯୫ ଜଣ ଭାରତୀୟ ମତ୍ସ୍ୟଜୀବୀ ଏବଂ ୬ଟି ମାଛଧରା ଡଙ୍ଗାକୁ ବାଂଲାଦେଶ କର୍ତ୍ତୃପକ୍ଷ ଅଟକ ରଖିଥିଲେ।ମିଳିଥିବା ସୂଚନା ଅନୁଯାୟୀ, ବାଗେରହାଟ ଓ ପଟୁଆଖାଲି ଜିଲ୍ଲା କାରାଗାରରେ ବନ୍ଦୀ ଥିବା ୯୫ ଜଣ ଭାରତୀୟ ମତ୍ସ୍ୟଜୀବୀ ଓ କ୍ରୁ ସଦସ୍ୟଙ୍କୁ ଗୁରୁବାର ମୁକ୍ତ କରାଯାଇଛି।
