ଭାରତର ଆକ୍ରମଣରେ ପାକିସ୍ତାନର ୬ଟି ବାୟୁସେନା ଫାଇଟର ଜେଟ, ୨ଟି ଉଚ୍ଚକ୍ଷମତା ସମ୍ପନ୍ନ ସର୍ଭେଲାନ୍ସ ଏୟାରକ୍ରାଫ୍ଟ ନଷ୍ଟ

ଅପରେସନ ସିନ୍ଦୂରକୁ ମିଳିଥିଲା ବଡ଼ ସଫଳତା। ଭାରତର ଆକ୍ରମଣରେ ପାକିସ୍ତାନର ୬ଟି ବାୟୁସେନା ଫାଇଟର ଜେଟ, ୨ଟି ଉଚ୍ଚକ୍ଷମତା ସମ୍ପନ୍ନ ସର୍ଭେଲାନ୍ସ ଏୟାରକ୍ରାଫ୍ଟ ନଷ୍ଟ ହୋଇଥିଲା। ଏହା ସହ ୧୦ଟି ସଶସ୍ତ୍ର ଡ୍ରୋନ, ଗୋଟିଏ ସି-୧୩୦ ହରକ୍ୟୁଲସ ଟ୍ରାନ୍ସପୋର୍ଟ ଏୟାରକ୍ରାଫ୍ଟ ବି ଧ୍ବଂସ ହୋଇଥିଲା ବୋଲି ସୂଚନା ମିଳିଛି। ଏପ୍ରିଲ ୨୨ ପହଲଗାଓଁ ହମଲା ପରେ ଭାରତ ପକ୍ଷରୁ ଆରମ୍ଭ ହୋଇଥିବା ଅପରେସନ ସିନ୍ଦୂରରେ ପାକିସ୍ତାନର ବିପୁଳ କ୍ଷତି ଘଟିଥିବା କୁହାଯାଇଛି। ଅପରେସନ ପରେ କରାଯାଇଥିବା ଆକଳନରେ ଏହା ସ୍ପଷ୍ଟ ହୋଇଛି- ଭାରତର ହମଲାରେ ପାକିସ୍ତାନର ବହୁ ଏରିଆଲ ଓ ଗ୍ରାଉଣ୍ଡ ମିଲିଟାରି ଆସେଟ ନଷ୍ଟ ହୋଇଛି। ଏରିଆଲ ଅପରେସନ ବେଳେ ୬ଟି ଲଢୁଆ ଜେଟକୁ ଖସାଇଦିଆଯାଇଥିଲା। ପାକିସ୍ତାନର ପଞ୍ଜାବ ଓ ପାକ୍ ଅଧିକୃତ କାଶ୍ମୀରର ବିଭିନ୍ନ ଅଞ୍ଚଳରେ ଭାରତ ହମଲା କରିଥିଲା। ରାଡାର ଟ୍ରାକିଂ ଓ ଥର୍ମାଲ ସିଗନେଚର ଜରିଆରେ ଜେଟଗୁଡିକୁ ଖସାଇଦିଆଯିବା ନେଇ ନିଶ୍ଚିତ କରାଯାଇଥିଲା। ଭାରତର ଲଙ୍ଗରେଞ୍ଜ ଡିଫେନ୍ସ ସିଷ୍ଟମ ସୁଦର୍ଶନ ଜରିଆରେ ୩୦୦ କିଲୋମିଟର ଦୂରରୁ ବହୁ ପାକ୍ ସିଷ୍ଟମକୁ ନଷ୍ଟ କରାଯାଇଥିଲା।