ଏୟାର ଇଣ୍ଡିଆ ଏବେ ଉଡାଣ ସମୟରେ ଦେବ ୱାଇ-ଫାଇ ସୁବିଧା

ଟାଟା ଗ୍ରୁପ ଏୟାର ଲାଇନ୍ସର ଏୟାର ଇଣ୍ଡିଆ ଏବେ ଉଡାଣ ସମୟରେ ଦେବ ୱାଇ-ଫାଇ ସୁବିଧା । ଏହି ସୂଚନା ଗତ ବୁଧବାର ଏୟାର ଇଣ୍ଡିଆ ପକ୍ଷରୁ ଜାରି କରାଯାଇଛି । ଏୟାର ଇଣ୍ଡିଆ କହିଛି ଯେ ଯାତ୍ରୀମାନେ ଏୟାରବସ୍ A350, ବୋଇଙ୍ଗ 787-9 ଏବଂ ଚୁନିନ୍ଦା ଏୟାରବସ୍ A321 ନିଓ ବିମାନରେ ୱାଇ-ଫାଇ ଇଣ୍ଟରନେଟର ସେବା ପାଇ ପାରିବେ । ଏୟାର ଲାଇନର କହିବା ଅନୁସାରେ ବିମାନରେ ୱାଇ-ଫାଇ ସର୍ଭିସ୍ ଦେବାକୁ ଯାଉଥିବା ଏହା ଦେଶର ପ୍ରଥମ ଏୟାରଲାଇନ୍ସ ।ଏହା ଦ୍ବାରା ଯାତ୍ରୀମାନେ ଟ୍ରାଭେଲ କରିବା ସମୟରେ ଇଣ୍ଟରନେଟ୍ ସହ ଯୋଡି ହୋଇ ରହିପାରିବେ । ବିମାନରେବସି ନିଜ ବିଜନେସର ଅପଡେଟ୍ ନେବା ସହ ପରିବାର ପ୍ରିୟଜନଙ୍କ ସହ ଯୋଗାଯୋଗରେ ରହିପାରିବେ ।