କେନ୍ଦ୍ର ସରକାର ବିରୋଧରେ ଅନାସ୍ଥା ପ୍ରସ୍ତାବ ଗ୍ରହଣ କଲେ ଲୋକସଭା ବାଚସ୍ପତି

ଏନଡିଏ ଭର୍ସେସ ଇଣ୍ଡିଆ । ସଂସଦରେ ମଣିପୁର ନେଇ ଗତିରୋଧ ଜାରି । ଆଜି ବି ବିରୋଧରେ ଜୋରଦାର ହଙ୍ଗାମା । ଏନଡିଏ ସରକାର ବିରୋଧରେ ଅନାସ୍ଥା ପ୍ରସ୍ତାବ ଆଣିଲେ ବିରୋଧୀ । କଂଗ୍ରେସ ଓ ବିଆରଏସ୍ ଆଣିଥିବା ଅନାସ୍ଥା ପ୍ରସ୍ତାବ ଗ୍ରହଣ କରିବା ସହ ଆଲୋଚନା ପାଇଁ ରାଜି ହୋଇଛନ୍ତି ଲୋକସଭା ବାଚସ୍ପତି । ଉଭୟ ଗୃହରେ ପ୍ରଧାନମନ୍ତ୍ରୀଙ୍କ ବୟାନ ପାଇଁ ବିରୋଧୀ ଜିଦ୍ ଧରିଥିବା ବେଳେ ସରକାର କିନ୍ତୁ ଏଥିରେ ଅରାଜି । ଫଳରେ ୫ଦିନ ଧରି ସଂସଦରେ ଅଚଳାବସ୍ଥା ଲାଗି ରହିଛି । ଧାରଣାସ୍ଥଳରେ ପହଞ୍ଚି ସଞ୍ଜୟ ସିଂଙ୍କ ସହ ଆଲୋଚନା କରିଛନ୍ତି କଂଗ୍ରେସ ସାଂସଦ ସୋନିଆ ଗାନ୍ଧୀ । ମୋଦି ସରକାର ୨୦୧୮ରେ ତେଲୁଗୁ ଦେଶମ ପାର୍ଟି ଆଣିଥିବା ଅନାସ୍ଥା ପ୍ରସ୍ତାବର ସାମ୍ନା କରିଥିଲେ । ଏହା କିନ୍ତୁ ଆଲୋଚନା ପରେ ୧୨୬-୩୨୫ ଭୋଟରେ କାଟ ଖାଇଯାଇଥିଲା । ଅନାସ୍ଥା ସପକ୍ଷରେ ୧୨୬ ଭୋଟ ପଡିଥିବାବେଳେ ବିରୋଧରେ ୩୨୫ ଭୋଟ ପଡିଥିଲା ।