ଶତ୍ରୁର ଡ୍ରୋନକୁ ମୁକାବିଲା କରିବା ପାଇଁ ଚିଲକୁ ସ୍ୱତନ୍ତ୍ର ପ୍ରଶିକ୍ଷଣ ଦେଉଛି ଭାରତୀୟ ସେନା
ନୂଆଦିଲ୍ଲୀ: ହିମାଳୟର ଆରପାରିରେ ଥିବା ଚୀନର ଡ୍ରୋନ ଭାରତକୁ ବିପଦ । ଏପରି ସ୍ଥିତିରେ ଭାରତୀୟ ସେନା ଶତ୍ରୁର ଡ୍ରୋନକୁ ମୁକାବିଲା କରିବାକୁ ଅଂଟା ଭିଡିଛି। ଏଥିପାଇଁ ଉଚ୍ଚ ଆକାଶରେ ଦଳଗତ ଭାବେ ଉଡୁ ବୁଲୁଖିବା ଇଗଲ ବା ଚିଲକୁ ପ୍ରଶିକ୍ଷଣ ଦେଇଛି ଭାରତୀୟ ସେନା।
ଭାରତ ଓ ଆମେରିକା ମଧ୍ୟରେ ଚାଲିଥିବା ସମରାଭ୍ୟାସରେ ଦୁଇ ଜଣ ତାଲିମପ୍ରାପ୍ତ ପ୍ରାଣୀଙ୍କ ବ୍ୟବହାର ପ୍ରଦର୍ଶିତ ହୋଇଥିଲା। ଶିକାରୀ ପକ୍ଷୀ କାଳିଆ ଚିଲ ଓ ଛଞ୍ଚାଣମାନେ ଶତ୍ରୁ ପକ୍ଷଦ୍ବାରା ପ୍ରେରିତ ଡ୍ରୋନ୍ ଉପରେ ଆକ୍ରମଣ କରିବାକୁ କିଭଳି ତାଲିମ ପାଇଛନ୍ତି, ପ୍ରଥମ ଥର ପାଇଁ ସର୍ବସାଧାରଣରେ ତାହା ପ୍ରଦର୍ଶନ କରାଯାଇଥିଲା ଆଉ ଚୀଲଟି ନିଜ କ୍ଷମତାର ଉପଯୋଗ କରି ଡ୍ରୋନକୁ କବଜା କରିବାରେ ସଫଳ ହୋଇଥିଲା। ଏବଂ ପରବର୍ତ୍ତୀ ସମୟରେ ଏହାକୁ ତଳକୁ ଆଣିବା ପାଇଁ ଏହି କିଟ୍ ଲଞ୍ଚ୍ କରାଯାଇଥିଲା।
ଯଦିଓ ଏକାଧିକ ସ୍ୱୟଞ୍ଚାଳିତ ଡ୍ରୋନ୍-କିଲ୍ ବିକଳ୍ପର ପ୍ରୟୋଗ କରାଯାଉଛି, ତଥାପି କିଟ୍-ଡଗ୍ କମ୍ବିନେସନ ସୀମା ପାର ହୋଇ ପଞ୍ଜାବ ଓ ଜମ୍ମୁ-କଶ୍ମୀରକୁ ଆସୁଥିବା ଡ୍ରୋନର ବିପଦର ମୁକାବିଲା କରିବାର କ୍ଷମତା ରହିଛି।
DRDO ଠାରୁ ବେସରକାରୀ କମ୍ପାନୀଗୁଡିକ ମଧ୍ୟ ବଜାରରେ ଲେଜର ଏବଂ ଫ୍ରିକ୍ୱେନ୍ସି ଜାମିଂ ଆଣ୍ଟି-ଡ୍ରୋନ୍ ସିଷ୍ଟମ ଆଣିଛନ୍ତି। କିନ୍ତୁ ଏସବୁ ମଧ୍ୟରେ ଭାରତୀୟ ସେନା ଚୀଲକୁ ବ୍ୟବହାର କରି ଡ୍ରୋନକୁ ଆକ୍ରମଣ କରିବାକୁ ପ୍ରସ୍ତୁତ କରିଛି। ଏହି ଚୀଲମାନଙ୍କୁ ମେରୁଟରେ ଥିବା ଭାରତୀୟ ସେନାର ଆରଭିସି ସେଣ୍ଟରରେ ସ୍ୱତନ୍ତ୍ର ତାଲିମ ଦିଆଯାଇଛି।
