ଆଜି ଚନ୍ଦ୍ରଙ୍କ ଅତି ନିକଟତର ହେବେ ଶୁକ୍ର ଓ ମଙ୍ଗଳ

ନୂଆଦିଲ୍ଲୀ: ଆଜି ବିରଳ ମହାଜାଗତିକ ଦୃଶ୍ୟ। ଚନ୍ଦ୍ରର ଅତି ନିକଟତର ହେବେ ଶୁକ୍ର ଓ ମଙ୍ଗଳ । ରାତି ୭ରୁ ୮ଟା ଯାଏ ଦୃଶ୍ୟମାନ ହେବ ଏହି ଦୃଶ୍ୟ । ପଶ୍ଚିମ ଆକାଶରେ ଶୁକ୍ର ଉଜ୍ଜ୍ବଳ ଓ ମଙ୍ଗଳ ଗ୍ରହ ଫିକା ଲାଲ ରହିବ। କୌଣିକ ଦୂରତା ୨ରୁ ୪ ଡିଗ୍ରୀ ରହିବ । ୨୩ ତାରିଖରେ ଚନ୍ଦ୍ର ସହ ଏହି ଦୁଇ ଗ୍ରହର କୌଣିକ ଦୂରତା ବଢ଼ିଯାଇ ୧୫ରୁ ୧୭ ଡିଗ୍ରୀ ହେବ । ପଶ୍ଚିମ ଆକାଶରେ ଘଣ୍ଟାଏ ଯାଏ ଏହି ଦୃଶ୍ୟ ଅବଲୋକନ ହୋଇପାରିବ ।
ଗତକାଲି ଚନ୍ଦ୍ରର ନିକଟତର ମଙ୍ଗଳ ଓ ଶୁକ୍ର ହୋଇଥିବାବେଳେ ବାଇନୋକୁଲାର ବିନା ମଙ୍ଗଳ ଦୃଶ୍ୟମାନ ସମ୍ଭବ ହୋଇ ନଥିଲା । ଆଜି ଅର୍ଦ୍ଧଚନ୍ଦ୍ର ୨୧ ପ୍ରତିଶତ ଅଧିକ ଉଜ୍ଜ୍ବଳ ହେବା ସମ୍ଭାବନା ଥିବାବେଳେ ମଙ୍ଗଳ ଓ ଶୁକ୍ରର ଅଧିକ ନିକଟତର ହେବ । ଚଳିତ ମାସ ଶେଷ ସପ୍ତାହରୁ ଜୁଲାଇ ୩୦ ଯାଏ ପ୍ରତିଦିନ ସନ୍ଧ୍ୟା ୭ଟାରୁ ରାତି ୮ଟା, ଯାଏ ଶୁକ୍ରକୁ ପଶ୍ଚିମ ଆକାଶରେ ଖାଲି ଆଖିରେ ଦେଖାଯାଇପାରିବ। ଏହାଠାରୁ ଅଳ୍ପ ଦୂରରେ ମଙ୍ଗଳ ଗ୍ରହ ଦୃଶ୍ୟମାନ ହେବ।