ଲାଲକିଲ୍ଲାରୁ ମହିଳା ସରପଞ୍ଚ ସଶକ୍ତୀକରଣର ଦେବେ ବାର୍ତ୍ତା
ବିଭିନ୍ନ ପ୍ରକାର ସମସ୍ୟାରୁ ନିଜ ପଞ୍ଚାୟତକୁ ସ୍ୱାଧୀନତା ଦେବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ମହିଳା ଜନପ୍ରତିନିଧିମାନେ ଲାଲକିଲ୍ଲାରୁ ମହିଳା ସଶକ୍ତୀକରଣର ବାର୍ତ୍ତା ଦେବେ। ପଞ୍ଚାୟତିରାଜ ମନ୍ତ୍ରଣାଳୟର ମାନକ ଆଧାରରେ ରାଜ୍ୟ ସରକାରଙ୍କ ଦ୍ୱାରା ଚୟନ କରାଯାଇଥିବା ୧୫୦ ଜଣ ମହିଳା ସରପଞ୍ଚ, ଗ୍ରାମ ପଞ୍ଚାୟତ ସଭାପତି, ଜିଲ୍ଲା ପଞ୍ଚାୟତ ସଭାପତି ଏବଂ ଅନ୍ୟାନ୍ୟ ମହିଳା ପଞ୍ଚାୟତ ପ୍ରତିନିଧି ଏଥର ସ୍ୱାଧୀନତା ଦିବସ ଉତ୍ସବରେ ଅଂଶଗ୍ରହଣ କରିବେ।
ସେମାନଙ୍କ ନେତୃତ୍ବ ଦକ୍ଷତା ବୃଦ୍ଧି ପାଇଁ ଏଠାରେ କେବଳ ଏକ ଜାତୀୟ କର୍ମଶାଳାର ଆୟୋଜନ କରାଯାଇନାହିଁ, ବରଂ କେନ୍ଦ୍ର ସରକାରଙ୍କ ପକ୍ଷରୁ ମଧ୍ୟ ସେମାନଙ୍କୁ ସମ୍ମାନିତ କରାଯିବ। ମୋଦୀ ସରକାର ଏକ ପ୍ରମୁଖ ପଦକ୍ଷେପ ଭାବେ ନାରୀ ଶକ୍ତିକୁ ସୁରକ୍ଷା ଓ ପ୍ରୋତ୍ସାହନ ଦେବା ପାଇଁ ନିରନ୍ତର ପ୍ରୟାସ ଜାରି ରଖିଛନ୍ତି। ରାଜନୀତିରେ ମହିଳାଙ୍କ ଭାଗିଦାରୀ ବଢ଼ାଇବା ପାଇଁ ନାରୀ ଶକ୍ତି ବନ୍ଦନା ଆଇନ ଏନଡିଏ ସରକାର ସମୟ ସମୟରେ ଉତ୍ତମ ପ୍ରଦର୍ଶନ କରୁଥିବା ମହିଳା ପ୍ରତିନିଧିଙ୍କୁ ରୋଲ ମଡେଲ ଭାବେ ପ୍ରତିଷ୍ଠିତ କରିବା ପାଇଁ ସୁଯୋଗ ଖୋଜୁଛନ୍ତି।
ସାଧାରଣତନ୍ତ୍ର ଦିବସ ସମାରୋହରେ କେନ୍ଦ୍ର ସରକାର ସାରା ଦେଶରୁ ନିର୍ବାଚିତ ପଞ୍ଚାୟତ ପ୍ରତିନିଧିଙ୍କୁ ନିମନ୍ତ୍ରଣ କରିଥିଲେ ମଧ୍ୟ ସ୍ୱାଧୀନତା ଦିବସ ଉତ୍ସବରେ କେବଳ ପଞ୍ଚାୟତର ନିର୍ବାଚିତ ମହିଳା ପ୍ରତିନିଧିଙ୍କୁ ନିମନ୍ତ୍ରଣ କରାଯାଇଛି। ନିକଟରେ ପଞ୍ଚାୟତିରାଜ ମନ୍ତ୍ରଣାଳୟ ତରଫରୁ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ଚିଠି ଲେଖି ସ୍ୱାଧୀନତା ଦିବସ ଉତ୍ସବରେ ସ୍ବତନ୍ତ୍ର ଅତିଥି ଭାବେ ନିମନ୍ତ୍ରଣ କରିବା ପାଇଁ ନିଜ ନିଜ ରାଜ୍ୟର ମହିଳା ପଞ୍ଚାୟତ ଜନପ୍ରତିନିଧି ଚୟନ କରିବାକୁ କୁହାଯାଇଛି।
