![](https://abhigam.com/wp-content/uploads/2022/12/Plant-Factory-Industry-780x470.jpg)
ହକି ବିଶ୍ୱକପ୍ ସମୟରେ ରାଉରକେଲାରେ ଥିବା ୨୨ଟି ସ୍ପଞ୍ଜ ଆଇରନ୍ କାରଖାନା ବନ୍ଦ ରହିବ
ରାଉରକେଲା: ଜାନୁଆରୀ ୧୩ରୁ ଆରମ୍ଭ ହେବ ହକି ବିଶ୍ୱକପ୍ । ଭୁବନେଶ୍ୱର ସହ ରାଉରକେଲାରେ ମ୍ୟାଚ୍ ଖେଳାଯିବାକୁ ଥିବାବେଳେ ପ୍ରସ୍ତୁତି ଜୋରସୋରରେ ଚାଲିଛି । ହକି ବିଶ୍ୱକପ୍ ସମୟରେ ରାଉରକେଲାରେ ଥିବା ୨୨ ସ୍ପଞ୍ଜ ଆଇରନ୍ କାରଖାନା ବନ୍ଦ ରଖିବାକୁ ପ୍ରଶାସନ ନିର୍ଦ୍ଦେଶ ଦେଇଛି । ମ୍ୟାଚ୍ ସମୟରେ ସ୍ୱଚ୍ଛ ପରିବେଶ ପାଇଁ ଏଭଳି ନିର୍ଦ୍ଦେଶ ଦେଇଛି ପ୍ରଶାସନ ।
ସୂଚନା ଅନୁସାରେ, ୨୨ଟି ସ୍ପଞ୍ଜ ଆଇରନ୍ ବିଶ୍ୱକପ୍ ସମୟରେ ବନ୍ଦ ରହିବ । ଏନେଇ ରାଜ୍ୟ ପ୍ରଦୂଷଣ କଣ୍ଟ୍ରୋଲ୍ ବୋର୍ଡ କଲୁଙ୍ଗା, କୁଆଁରମୁଣ୍ଡା ଶିଳ୍ପାଞ୍ଚଳରେ ଥିବା ବିଭିନ୍ନ କାରଖାନାକୁ ଅପରେସନ୍ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି ।
କଲୁଙ୍ଗା ଓ କୁଆଁରମୁଣ୍ଡାର ବିଭିନ୍ନ ଶିଳ୍ପସଂସ୍ଥାକୁ ରାଜ୍ୟ ପ୍ରଦୂଷଣ ବୋର୍ଡ ନିର୍ଦ୍ଦେଶନାମା ଜାରି କରିଛି । ଏହା ଫଳରେ ପ୍ରାୟ ୬ ହଜାର ଶ୍ରମିକ ପ୍ରଭାବିତ ହେବେ । ଜାନୁଆରୀ ୧୩ରୁ ଆରମ୍ଭ ହେବାକୁ ଥିବା ହକି ବିଶ୍ୱକପ୍ ଭୁବନେଶ୍ୱରର କଳିଙ୍ଗ ଷ୍ଟାଡିୟମ୍ ସହ ରାଉରକେଲାର ବିର୍ସା ମୁଣ୍ଡା ହକି ଷ୍ଟାଡିୟମରେ ଖେଳାଯିବ ।
ବିର୍ସା ମୁଣ୍ଡା ଦେଶର ବଡ଼ ହକି ଷ୍ଟାଡିୟମ୍ ଭାବେ ନିର୍ମିତ ହୋଇଥିବା ବେଳେ ୨୦ ହଜାର ଦର୍ଶକ ବସିବାର କ୍ଷମତା ରହିଛି । ଚଳିତ ବିଶ୍ୱକପରେ ରାଉରକେଲାରେ ପ୍ରାୟ ୨୦ଟି ଅନ୍ତର୍ଜାତୀୟ ମ୍ୟାଚ୍ ଖେଳାଯିବ ।