ଭୟାବହ ଅଗ୍ନିକାଣ୍ଡ, ଜଳିଗଲା ୨୫ ବଖରା ଘର
ପୁରୀ ଜିଲ୍ଲାରେ ଭୟାବହ ଅଗ୍ନିକାଣ୍ଡ । ୮ଟି ପରିବାରର ୨୫ ବଖରା ଘର ଅଗ୍ନିକାଣ୍ଡରେ ଜଳିପୋଡି ପାଉଁଶ ହୋଇଯାଇଛି । ସମସ୍ତ ଆସବାବପତ୍ର ପୋଡି ପାଉଁଶ ହୋଇଯାଇଛି । ଏଭଳି ଘଟଣା ଘଟିଛି ପୁରୀ ଜିଲ୍ଲା ଡ଼େଲାଙ୍ଗ ବ୍ଳକ ଧାନକେରା ପଞ୍ଚାୟତର ନୂଆ ଗାଁରେ । ନିଆଁ ପ୍ରଥମେ ଗାଁର ପର୍ଶୁରାମ ଛାଟୋଇଙ୍କ ଘରେ ଲାଗିଥିଲା ପରେ ଏହା ବ୍ୟାପି ବାକି ଘରକୁ ମାଡିଯାଇଥିଲା । ଖବର ପାଇ ଡେଲାଙ୍ଗ ଓ କଣାସ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ସୂଚନା ଅନୁଯାୟୀ ସର୍ଟସର୍କିଟ କାରଣରୁ ଅଗ୍ନିକାଣ୍ଡ ଘଟିଛି । ଗାଁର ପର୍ଶୁରାମ ଛାଟୋଇଙ୍କ ଘର ଆଗରେ ଥିବା ବିଦ୍ୟୁତ୍ ଖୁଣ୍ଟରେ ସର୍ଟ ସର୍କିଟରୁ ନିଆଁ ଲାଗି କ୍ଷୀପ୍ର ଗତିରେ ଅନ୍ୟ ଘରକୁ ବ୍ୟାପିଯାଇଥିଲା।
