ତିନିମାସ ବନ୍ଦ ରହିବ ଓଡିଶାର ଭିତରକନିକା ଜାତୀୟ ଉଦ୍ୟାନ
ଭୁବନେଶ୍ୱର : ରାଜ୍ୟର ଭିତାରକାନିକା ଜାତୀୟ ଉଦ୍ୟାନ ମେ ୧ ତାରିଖରୁ ତିନିମାସ ପର୍ଯ୍ୟନ୍ତ ବନ୍ଦ ରହିବ। ପ୍ରଜନନ ସମୟରେ ପର୍ଯ୍ୟଟକ ଏବଂ ପରିଦର୍ଶକଙ୍କୁ ଅଭୟାରଣ୍ୟରୁ ଦୂରରେ ରଖିବା ପାଇଁ ବନ ବିଭାଗ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ପାର୍କର ଡିଭିଜନାଲ ବନ ଅଧିକାରୀ (ଡିଏଫଓ) ଶନିବାର ଦିନ ଏହି ସୂଚନା ଦେଇଉନ୍ତି ।
ଜୁଲାଇ ୩୧ ପର୍ଯ୍ୟନ୍ତ ଏହି ନିଷେଧାଦେଶ ଲାଗୁ ହେବ। ପର୍ୟ୍ୟଟକ ତଥା ଜଙ୍ଗଲ ଅଧିକାରୀଙ୍କୁ ନେଇ ଯାନ୍ତ୍ରିକ ଡଙ୍ଗାର ଶବ୍ଦ ପରିବେଶକୁ ବିଚଳିତ କରି ସରୀସୃପମାନଙ୍କୁ ହିଂସାତ୍ମକ ହେଉଛନ୍ତି । ଏହି ସମୟରେ କୁମ୍ଭୀରମାନେ ଅଧିକ ହିଂସ୍ର ହୋଇଥାନ୍ତି ଏବଂ ଅଣ୍ଡା ଦେବାକୁ ଉପରକୁ ଆସିଥାନ୍ତି । ଏହି କାରଣରୁ ଡଙ୍ଗା ଓ ବୋଟ ଉପରେ ପ୍ରତିବନ୍ଧକ ଲଗାଯାଇଛି ବୋଲି ଅଧିକାରୀ କହିଛନ୍ତି। ପର୍ଯ୍ୟଟକଙ୍କ ସୁରକ୍ଷାକୁ ଦୃଷ୍ଟିରେ ରଖି ଭିତରକନିକା ବନ୍ଦ କରାଯାଇଛି ।
ଏପରିକି ସ୍ଥାନୀୟ ଜଙ୍ଗଲବାସୀ ଯେଉଁମାନେ ବେଆଇନ ଭାବେ ଜଙ୍ଗଲ ଅଞ୍ଚଳରେ ମହୁ ଓ କାଠ ସଂଗ୍ରହ କରିବାକୁ ପ୍ରବେଶ କରନ୍ତି ସେମାନଙ୍କୁ ମଧ୍ୟ ବାରଣ କରାଯାଇଛି। ମହିଳା ସରୀସୃପମାନେ ଅଣ୍ଡା ଦିଅନ୍ତି ଏବଂ ଛୁଆମାନଙ୍କର ଉତ୍ପତ୍ତି ପର୍ୟ୍ୟନ୍ତ ସେମାନଙ୍କୁ ଜଗିଥା’ନ୍ତି । ସରୀସୃୃପ ଅଣ୍ଡାକୁ ସୁରକ୍ଷା ଦେବାକୁ ବନ ସୁରକ୍ଷା କର୍ମୀଙ୍କୁ ନିର୍ଦ୍ଦେଶ ଦିଆଯାଇଛି। ଏହା ସହ କୁମ୍ଭୀରମାନଙ୍କର ଗତିବିଧି ଉପରେ ମଧ୍ୟ ନଜର ରଖାଯିବ ।
