କଟକ ଦୁର୍ଗାପୂଜା ଭସାଣୀରେ ବାଜିବ ନାହିଁ ଡିଜେ
କଟକ ଦୁର୍ଗାପୂଜା ଭସାଣୀରେ ମଧ୍ୟ ବାଜିବ ନାହିଁ ଡିଜେ । ଏନେଇ କଟକ ମହାନଗର ପୂର୍ବାଞ୍ଚଳ ଶାନ୍ତି କମିଟି ବୈଠକରେ ସର୍ବସମ୍ମତି କ୍ରମେ ପ୍ରସ୍ତାବ ଗୃହିତ ହୋଇଛି । ପୂର୍ବରୁ ଗଣେଷ ପୂଜାକୁ ଡିଜେ ମୁକ୍ତ କରିବା ପାଇଁ ନିଶ୍ପତି ଗ୍ରହଣ କରିଥିଲେ ପୂଜା କମିଟି । ଭସାଣୀ ସମୟରେ ଡିଜେ ବ୍ୟବହାର ନ କରିବା ପାଇଁ ପୂଜା କମିଟି ଗୁଡିକୁ ପୋଲିସ ପକ୍ଷରୁ ନିବେଦନ କରାଯାଇଥିଲା । ଏବଂ ପୋଲିସର ଏହି ନିବେଦନକୁ ଗ୍ରହଣ କରିଥିବାରୁ ପୂଜା କମିଟି ଗୁଡ଼ିକୁ ପ୍ରସଂଶା କରିଛନ୍ତି ପୋଲିସ କମିଶନର । ତେବେ ଭସାଣୀ ସମୟରେ ଡିଜେ ବ୍ୟବହାରକୁ ସମ୍ପୂର୍ଣ୍ଣ ବ୍ୟାନ୍ କରାଯାଇଛି । ଏବଂ ପୂଜା କମିଟିମାନେ ଅତି ବେଶିରେ ୬ ସାଉଣ୍ଡ ବକ୍ସ ବ୍ୟବହାର କରିପାରିବେ ବୋଲି ପୋଲିସ କମିଶନର ସଞ୍ଜିବ ପଣ୍ଡା କହିଛନ୍ତି ।
