ଏମ୍ସ ଭୁବନେଶ୍ୱରର ମେଡିକାଲ ଅଧୀକ୍ଷକ ଦାୟିତ୍ୱ ଗ୍ରହଣ କଲେ ଡ. ଦିଲ୍ଲୀପ କୁମାର ପରିଡ଼ା
ଭୁବନେଶ୍ୱର: ଏମ୍ସ ଭୁବନେଶ୍ୱର ଭାରପ୍ରାପ୍ତ ମେଡିକାଲ ଅଧୀକ୍ଷକ ଭାବେ ଦାୟିତ୍ବ ଗ୍ରହଣ କରିଛନ୍ତି ବରିଷ୍ଠ ଚିକିତ୍ସକ ତଥା ରେଡିଏସନ୍ ଅଙ୍କୋଲୋଜି ବିଭାଗ ମୁଖ୍ୟ ଡ. ଦିଲ୍ଲୀପ କୁମାର ପରିଡ଼ା । ଏହି ଅବସରରେ ଏମ୍ସ ଭୁବନେଶ୍ବର କାର୍ଯ୍ୟନିର୍ବାହୀ ନିର୍ଦ୍ଦେଶକ ପ୍ରଫେସର ଡ. ଆଶୁତୋଷ ବିଶ୍ବାସ, ଡ. ପରିଡ଼ାଙ୍କୁ ଅଭିନନ୍ଦନ ଜଣାଇବା ସହିତ ଭବିଷ୍ୟତ କାର୍ଯ୍ୟପନ୍ଥା ନିମନ୍ତେ ଶୁଭେଚ୍ଛା ଜଣାଇଛନ୍ତି।
ଜଣେ ବିଶିଷ୍ଟ ରେଡିଏସନ୍ ଅଙ୍କୋଲୋଜିଷ୍ଟ୍ ଭାବେ ସୁପରିଚିତ ଡ. ପରିଡ଼ା ଏମ୍ସ ଦିଲ୍ଲୀ, ନିଗ୍ରିମ୍ସ ସିଲଂ ଭଳି ଖ୍ୟାତନାମା ଜାତୀୟ ସ୍ୱାସ୍ଥ୍ଯ ପ୍ରତିଷ୍ଠାନରେ କାର୍ଯ୍ୟ କରିବାର ଅଭିଜ୍ଞତା ରଖିଛନ୍ତି । ଡ. ପରିଡ଼ା ୨୦୧୩ରେ ଏମ୍ସ ଭୁବନେଶ୍ୱରରେ ଯୋଗଦେଇଥିଲେ ।
ପୂର୍ବରୁ ମଧ୍ୟ ୨୦୧୬-୧୭ରେ ଡ. ପରିଡ଼ା ଏମ୍ସ ଭୁବନେଶ୍ବରର ମେଡିକାଲ୍ ଅଧୀକ୍ଷକ ଭାବେ କାର୍ଯ୍ୟ କରି ସାରିଛନ୍ତି । ଏଥିସହିତ ଏହି ଜାତୀୟ ସ୍ବାସ୍ଥ୍ୟ ପ୍ରତିଷ୍ଠାନରେ ସେ ଅନେକ ଗୁରୁତ୍ବପୂର୍ଣ୍ଣ ଦାୟିତ୍ବ ନିର୍ବାହ କରିବାର ଅଭିଜ୍ଞତା ରଖିଛନ୍ତି ।
