ପଦ୍ମପୁର ଆରଏମସିସ୍ଥିତ ଷ୍ଟ୍ରଙ୍ଗ୍ ରୁମରେ ପହଞ୍ଚିଲା ଇଭିଏମ୍
ପଦ୍ମପୁର: ବରଗଡ ଜିଲ୍ଲା ପଦ୍ମପୁର ଉପନିର୍ବାଚନ ପାଇଁ ପ୍ରଶାସନିକ ସ୍ତରରେ ଆରମ୍ଭ ହୋଇଛି ପ୍ରସ୍ତୁତି । ପଦ୍ମପୁର ଆରଏମସିସ୍ଥିତ ଷ୍ଟ୍ରଙ୍ଗ୍ ରୁମରେ ପହଞ୍ଚିଲା ଇଭିଏମ୍ । କଡ଼ା ସୁରକ୍ଷା ମଧ୍ୟରେ ଷ୍ଟ୍ରଙ୍ଗରୁମରେ ପହଞ୍ଚିଛି ଇଭିଏମ୍ । ଉପଜିଲ୍ଲାପାଳ ତଥା ରିଟର୍ଣ୍ଣିଂ ଅଫିସର ଓ ଅନ୍ୟ ଅଧିକାରୀଙ୍କ ଉପସ୍ଥିତିରେ ଷ୍ଟ୍ରଙ୍ଗ ରୁମରେ ଇଭିଏମ ରଖି ରୁମକୁ ସିଲ୍ କରାଯାଇଛି ।
୨ଲକ୍ଷ ୫୫ ହଜାରରୁ ବେଶୀ ଭୋଟର ଡିସେମ୍ୱର ୫ ତାରିଖରେ ନିଜ ମତ ସାବ୍ୟସ୍ତ କରିବେ । ୮ ତାରିଖରେ ଭୋଟ୍ ଗଣତି ହେବ । ୧୭ ତାରିଖ ପ୍ରାର୍ଥୀପତ୍ର ଦାଖଲର ଶେଷ ତାରିଖ । ତିନି ଦଳ ମଧ୍ୟରୁ କୌଣସି ପ୍ରାର୍ଥୀ ଏଯାଏଁ ନାମାଙ୍କନ ଦାଖଲ କରିନାହାଁନ୍ତି । ଚାଷୀଙ୍କ ସମସ୍ୟା ଓ ଆନ୍ଦୋଳନକୁ କାରଣ ଦର୍ଶାଇ ବିଜେପି ପ୍ରାର୍ଥୀ ପ୍ରଦୀପ ପୁରୋହିତ ନାମାଙ୍କନ ଦାଖଲ ନକରି ଉପଜିଲ୍ଲାପାଳ କାର୍ଯ୍ୟାଳୟରୁ ଫେରିଆସିଥିଲେ ।
