ଖୋର୍ଦ୍ଧା ଭୁଷଣ୍ଡପୁର ଅଞ୍ଚଳରେ ଦୋଳ ଉତ୍ସବ ପାଇଁ ବାଣ ପ୍ରସ୍ତୁତି ବେଳେ ବିସ୍ଫୋରଣ, ୪ ଜଣଙ୍କର ମୃତ୍ୟୁ
ଖୋର୍ଦ୍ଧା: ଟାଙ୍ଗୀ ଥାନା ଭୁଷଣ୍ଡପୁର ଅଞ୍ଚଳରେ ବାଣ ପ୍ରସ୍ତୁତି ବେଳେ ଆଜି ସକାଳେ ଭୟଙ୍କର ବିସ୍ଫୋରଣ ଘଟିଛି । ବିସ୍ଫୋରଣରେ ୪ ଜଣଙ୍କର ମୃତ୍ୟୁ ଘଟିଥିବା ଜଣାଯାଇଛି । ଦୋଳ ଉତ୍ସବ ପାଇଁ ଏଠାରେ ବାଣ ପ୍ରସ୍ତୁତି ଚାଲିଥିଲା । ଗୋଟିଏ ଘରେ ବାଣକୁ ରଖାଯାଇଥିବାବେଳେ ହଠାତ ବିସ୍ଫୋରଣ ଘଟିଥିଲା । ବିସ୍ଫୋରଣ ଯୋଗୁ ୪ଟି ଘର ଜଳି ଯାଇଥିଲା । ଘର ଭିତରେ ଥିବା ୪ ଜଣଙ୍କର ମୃତ୍ୟୁ ଘଟିଥିବା କୁହାଯାଉଛି । ଅନ୍ୟ ୩ଜଣ ଗୁରୁତରଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଖୋର୍ଦ୍ଧା ଆରକ୍ଷୀ ଅଧୀକ୍ଷକ ଓ ଟାଙ୍ଗୀ ଥାନା ପୁଲିସ ମଧ୍ୟ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
ମିଳିଥିବା ସୂଚନା ଅନୁଯାୟୀ, ଏଠାରେ ଚୋରାରେ ବାଣ ତିଆରି କାମ ଚାଲିଥିଲା । ଦୋଳ ମେଳଣ ସମୟରେ ଏଠାରେ ବାଣ ପ୍ରତିଯୋଗିତା ହୋଇଥାଏ। ତେଣୁ ବାଣ କାରବାର ଭଲ ହୋଇଥାଏ । ତେଣୁ ଏଠାରେ ମଧ୍ୟ ବହୁ ସଂଖ୍ୟରେ ବାଣ ପ୍ରସ୍ତୁତି ଚାଲିଥିଲା ।
