ଗ୍ୟାସ ପାଇପ ଲିକ୍ ଘଟଣାରେ ଜଣେ ଶ୍ରମିକଙ୍କ ମୃତ୍ୟୁ
କଟକ-ପାରାଦୀପ ମୁଖ୍ୟ ରାସ୍ତାର ତାଳଦଣ୍ଡା ନିକଟରେ ଗ୍ୟାସ ପାଇପ ଲିକ୍। ଘଟଣାରେ ଜଣେ ଶ୍ରମିକଙ୍କ ମୃତ୍ୟୁ। ମୃତ ଶ୍ରମିକ ହେଲେ ପାରାଦୀପ ବିଜୟ ଚନ୍ଦ୍ର ପୁର ଗ୍ରାମର ପରିମଳ ନାୟକ ବୟସ ୨୨ବୋଲି ଜଣାପଡିଛି। ସୂଚନାନୁଯାୟୀ ଆଜି ଦିନ ୧୨ଟା ସମୟରେ କଟକ-ପାରାଦୀପ ମୂଖ୍ୟ ରାସ୍ତାର ତାଳଦଣ୍ଡା ବଜାର ନିକଟରେ ଗ୍ୟାସ ପାଇପଲାଇନ କାର୍ଯ୍ୟ ଚାଲୁ ରହିଥିବା ବେଳେ ଶ୍ରମିକ ଜଣଙ୍କ କୌଣସି କାରଣରୁ ତଳକୁ ଖସି ପଡିଥିଲେ। ଯାହା ଫଳରେ ଗ୍ୟାସ ଟି ଲିକ୍ କରି ଚାରି ଆଡକୁ ବ୍ୟାପି ଯାଇଥିଲା। ଫଳରେ ରାସ୍ତାର ଉଭୟ ପାର୍ଶ୍ଵରେ ଗାଡି ମୋଟର ସମ୍ପୂର୍ଣ୍ଣ ଅଟକି ରହିଥିଲା। ଖବର ପାଇ ଘଟଣା ସ୍ଥଳରେ ଅଗ୍ନିଶମ ବିଭାଗ କର୍ମଚାରୀମାନେ ପହଞ୍ଚି ପାଇପଲାଇନରୁ ଶ୍ରମିକକୁ ଉଦ୍ଧାର କରି ସ୍ଥାନୀୟ କୁଜଙ୍ଗ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ହେଲେ ଡାକ୍ତର ସେଠାରେ ତାଙ୍କର ମୃତ୍ୟୁ ଘୋଷଣା କରିଥିବା ଜଣାପଡିଛି। ତେବେ ଘଟଣା କୁ ନେଇ ସାମାନ୍ୟ ଉତେଜନା ଲାଗି ରହିଥିବା ବେଳେ ଘଟଣା ସ୍ଥଳରେ କୁଜଙ୍ଗ ଥାନା ପୋଲିସ ପହଞ୍ଚି ତଦନ୍ତ ଚଳାଇଥିବା ବେଳେ ମୃତକ ଙ୍କ ପରିବାର ଲୋକେ ଡାକ୍ତରଖାନାରେ ପହଞ୍ଚି ଥିବା ବେଳେ ଶୋକାକୂଳ ପରିସ୍ଥିତି ସୃଷ୍ଟି ହୋଇଛି।
