ବୁର୍ଲା ପାୱର ଚାନେଲର ସାଇଫନରେ ବସି କଥା ହେଉଥିବାବେଳେ ଭାସିଗଲେ ଯୁବତୀ

ବୁର୍ଲା:  ବୁର୍ଲା ପାୱର ଚାନେଲର ସାଇଫନରେ ବସି କଥା ହେଉଥିବାବେଳେ ଭାସିଗଲେ ଯୁବତୀ । ଗତକାଲିଠାରୁ ଖୋଜାଖୋଜି ଚାଲିଛି । ଏ ଯାଏ ତାଙ୍କୁ ଉଦ୍ଧାର କରାଯାଇ ନାହିଁ । ନିଖୋଜ ଛାତ୍ରୀ ଜଣକ ଝାରସୁଗୁଡା ଅଞ୍ଚଳର ବୋଲି ଜଣାପଡିଛି । ରାଉରକେଲାରେ BBA  ପଢୁଥିଲେ । ସୋସିଆଲ ମିଡିଆରେ ସମ୍ବଲପୁର ଧନୁପାଲି ଅଞ୍ଚଳର ଜଣେ ଯୁବକଙ୍କ ସହ ତାଙ୍କର ସମ୍ପର୍କ ଗଢି ଉଠିଥିଲା । କେହି କାହାକୁ ଦେଖି ନ ଥିଲେ । ଗତକାଲି ଦେଖା କରିବା ପାଇଁ ବୁର୍ଲା ଆସିଥିଲେ । ଉଭୟେ ବୁର୍ଲା ପାୱର ଚାନେଲର ସାଇଫନରେ ବସି କଥା ହେଉଥିଲେ । ହଠାତ  ଉଚ୍ଚଚାପରେ ଜଳ ନିଷ୍କାସନ ହୋଇଥିଲା । ଯୁବତୀ ଜଣକ ଭାରସାମ୍ୟ ହରାଇ ଖସି ପଡିଥିଲେ ।

ଆଖି ସାମ୍ନାରେ ବାନ୍ଧବୀ ଭାସି ଯାଉଥିବା ଦେଖି ପୁରୁଷ ବନ୍ଧୁ ଜଣକ ବି ଡେଇଁ ପଡିଥିଲେ । ହେଲେ ସଫଳ ହୋଇ ନ ଥିଲେ । ସ୍ଥାନୀୟ ଲୋକେ ଓ ଅଗ୍ନିଶମ ବାହିନୀ ଯୁବକଙ୍କୁ ଉଦ୍ଧାର କରିବାରେ ସଫଳ ହୋଇଥିଲେ । କିନ୍ତୁ ଏ ଯାଏ ଯୁବତୀଙ୍କର କୌଣସି ସନ୍ଧାନ ମିଳିନାହିଁ । ଗତକାଲି ସନ୍ଧ୍ୟା ହୋଇଯିବାରୁ ଅଗ୍ନିଶମ କର୍ମଚାରୀଙ୍କୁ ଉଦ୍ଧାର କାର୍ଯ୍ୟ କରିବା କଷ୍ଟକର ହୋଇଥିଲା । ଆଜି ସକାଳେ ପୁଣି ଉଦ୍ଧାର ଅଭିଯାନ ଚାଲୁ ରହିଛି ।