ପ୍ରଧାନମନ୍ତ୍ରୀ ମୋଦୀଙ୍କ ୧୧ ଦିନିଆ ସ୍ୱତନ୍ତ୍ର ଅନୁଷ୍ଠାନ

ଅଯୋଧ୍ୟା ରାମ ମନ୍ଦିର ପ୍ରତିଷ୍ଠା ପୂର୍ବରୁ ୧୧ ଦିନି ଆ ସ୍ୱତନ୍ତ୍ର ଅନୁଷ୍ଠାନ ଆରମ୍ଭ କରିଛନ୍ତି ପ୍ରଧାନମନ୍ତ୍ରୀ ମୋଦୀ । ଏହି ଅବସରରେ ଏକ ସ୍ୱତନ୍ତ୍ର ଅଡିଓ ବାର୍ତ୍ତା ସେୟାର କରିଛନ୍ତି ଯେଉଁଥିରେ ସେ ଦେଶବାସୀଙ୍କୁ ସମ୍ବୋଧନ କରିଛନ୍ତି ।ଏହାସହ ଟ୍ୱିଟରରେ ପ୍ରଧାନମନ୍ତ୍ରୀ ଲେଖିଛନ୍ତି ଯେ, ରାମଲଲାଙ୍କ ମନ୍ଦିର ପ୍ରତିଷ୍ଠାକୁ ମାତ୍ର ୧୧ ଦିନ ବାକି ରହିଛି । ସେହି ପୂଣ୍ୟ ଅବସରର ସାକ୍ଷୀ ହେଉଥିବାରୁ ନିଜକୁ ସୌଭାଗ୍ୟବାନ ବୋଲି ମୋଦୀ କହିଛନ୍ତି । ରାମ ମନ୍ଦିର ପ୍ରତିଷ୍ଠା ଉତ୍ସବରେ ସାରା ଦେଶର ପ୍ରତିନିଧିତ୍ୱ କରିବାକୁ ଭଗବାନ ସୁଯୋଗ ଦେଇଛନ୍ତି । ତାହାକୁ ଆଖିରେ ରଖି ୧୧ ଦିନର ବିଶେଷ ଅନୁଷ୍ଠାନ ଆୟୋଜନ କରୁଥିବା ପ୍ରଧାନମନ୍ତ୍ରୀ ଟୁଇଟରେ ଲେଖିଛନ୍ତି । ବର୍ତ୍ତମାନ ନିଜ ଭାବନାକୁ ଶବ୍ଦରେ କହିବା ବହୁତ କଷ୍ଟକର, କିନ୍ତୁ ସେ ଏକ ପ୍ରୟାସ କରିଛନ୍ତି ବୋଲି ଟ୍ୱିଟ୍ କରିଛନ୍ତି ମୋଦୀ ।