କଟକ ଚୌଧୁରୀ ବଜାରରେ ଭୟାବହ ଅଗ୍ନିକାଣ୍ଡ
କଟକରେ ଭୟାବହ ଅଗ୍ନିକାଣ୍ଡ। ଚୌଧୁରୀବଜାର ଗୌରଶଙ୍କର ପାର୍କ ନିକଟ ବିଲ୍ଡିଂରେ ନିଆଁ। ଏକ ଲୁଗା ଦୋକାନରେ ନିଆଁ ଲାଗି ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି। ୫ ମହଲା ବିଲ୍ଡିଂର ଗ୍ରାଉଣ୍ଡ ସହ ଫାଷ୍ଟ ଓ ସେକେଣ୍ଡ ଫ୍ଲୋରରେ ନିଆଁ ଲାଗିଛି।
ପ୍ରଥମେ ତଳ ମହଲାରେ ନିଆଁ ଲାଗିବା ପରେ ଉପର ମହଲାକୁ ବ୍ୟାପିଛି। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁ ଲିଭାଇବା ପାଇଁ ଚେଷ୍ଟା ଜାରି ରଖିଛି । ପ୍ରବଳ ଧୂଆଁ ବାହାରୁଥିବାରୁ ଭିତରକୁ ଯାଇପରୁନାହାଁନ୍ତି ଅଗ୍ନିଶମ କର୍ମଚାରୀ। ତେବେ କିପରି ଜଳିଗଲା ଦୋକାନ କାରଣ ଅସ୍ପଷ୍ଟ ରହିଛି। ସର୍ଟ ସର୍କିଟରୁ ଦୋକାନରେ ନିଆଁ ଲାଗିଥିବା ସନ୍ଦେହ କରାଯାଉଛି।
