କଟକ ବାଲିଯାତ୍ରାରେ ମନ ଜିଣିଲା ଭାରତୀୟ ନୌସେନା ବ୍ୟାଣ୍ଡ୍
କଟକ: ବାଲିଯାତ୍ରାରେ ଏଥର ସାଧାରଣ ଲୋକଙ୍କ ମନ ଜିଣିଛି ଭାରତୀୟ ନୌସେନାର ବ୍ୟାଣ୍ଡ । ଆଇଏନଏସ ଚିଲିକାରୁ ଆସିଥିବା ଏହି ଟିମ୍ ଉଦ୍ଘାଟନୀ ଉତ୍ସବରେ ଚିତ୍ତାକର୍ଷକ ଧୂନ୍ ପରିବେଷଣ କରିଛନ୍ତି । ପ୍ରଥମ ଥର ପାଇଁ ବାଲିଯାତ୍ରାରେ ନୌସେନାର ସହାଭାଗିତା ଦେଖିବାକୁ ମିଳିଛି । ଉତ୍କଳୀୟ ନୌବାଣିଜ୍ୟ ପରମ୍ପରା ଏବଂ ଏହାର ଗୌରବମୟ ଇତିହାସ ବାବଦରେ ଜନସାଧାରଣଙ୍କୁ ଅବଗତ କରାଇବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଏକ ଅଭିନଵ ପ୍ରୟାସ କରାଯାଇଛି ।
ଚଳିତ ବାଲିଯାତ୍ରାରେ ଲେଜର ସୋ, ସ୍ୟାଣ୍ଡ ଆର୍ଟ, କଟକ ଇନ କଟକ, ନୌକା ବିହାର ଭଳି ନିଆରା ଦୃଶ୍ୟମାନ ଦେଖିବାକୁ ମିଳିବ । ବାଲିଯାତ୍ରାକୁ ଜାତୀୟ ମାନ୍ୟତା ଦେବା ଲାଗି ସବୁ ପ୍ରକାରର ଚେଷ୍ଟା ଜାରି ରହିଛି ବୋଲି କଟକ ମେୟର କହିଛନ୍ତି ।
