ବଢୁଛି ଶୀତ: ୧୦ ଡିଗ୍ରୀ ତଳେ ୧୯ ସହରର ତାପମାତ୍ରା

ଦିନକୁ ଦିନ ରାଜ୍ୟରେ ଶୀତର ପ୍ରଭାବ ବଢ଼ିବାରେ ଲାଗିଛି । ଗତ କିଛିଦିନ ପୂର୍ବରୁ ରାଜ୍ୟରେ ପ୍ରବଳ ଶୀତ ଲାଗି ରହିଥିବା ବେଳେ ଅସ୍ତ୍ୟବ୍ୟସ୍ତ ହେଉଥିଲେ ରାଜ୍ୟବାସୀ ।ଏହାପରେ ଧିରେ ଧିରେ ଶୀତ କମିବାରେ ଲାଗିଥିଲା ଏବଂ ରାଜ୍ୟବାସୀଙ୍କୁ ମିଳିଥିଲା ଅଶ୍ଵସ୍ତି । ହେଲେ ରାଜ୍ୟକୁ ପୁଣି ଫେରିଛି ଶୀତ । ଏହାସହ ଜାରି ରହିଛି ଶୀତର ଲହରି । ତେବେ ୧0 ଡିଗ୍ରୀ ତଳେ ରହିଛି ୧୯ ସହର ତାପମାତ୍ରା । ସୂଚନା ଅନୁଯାୟୀ, କୋରାପୁଟରେ ୮ ଡିଗ୍ରୀ, ଦାରିଙ୍ଗବାଡ଼ିରେ ୮ ଦଶମିକ ୫ ଡିଗ୍ରୀ ଓ ଫୁଲବାଣୀରେ ୯ ଦଶମିକ ୫ ଡିଗ୍ରୀ ଓ ସେମିଳିଗୁଡ଼ାରେ ୯ ଦଶମିକ ୯ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିବା ବେଳେ ଜି ଉଦୟଗିରିରେ ସର୍ବନିମ୍ନ ତାପମାତ୍ରା ୭ ଦଶମିକ ୪ ଡିଗ୍ରୀ ରେକର୍ଡ କରାଯାଇଛି ।