ଉପବାସରେ ରହିଛନ୍ତି ପ୍ରଭୁ ନୀଳମାଧବ
ଭୁବନେଶ୍ଵର: ଉପବାସରେ ରହିଛନ୍ତି ପ୍ରଭୁ ନୀଳମାଧବ। ପୋଲିସର ଦୁର୍ବ୍ୟବହାର ବିରୁଦ୍ଧରେ ନୟାଗଡ଼ କଣ୍ଟିଲୋ ନୀଳମାଧବ ମନ୍ଦିରର ପୂଜକମାନେ ଧାରଣା ଦେଇଛନ୍ତି । କଣ୍ଟିଲୋ ଫାଣ୍ଡି ଅଧିକାରୀ ରମେଶ ଚନ୍ଦ୍ର ଜେନାଙ୍କ ବିରୁଦ୍ଧରେ ଅଭିଯୋଗ ଆଣିଛନ୍ତି ମନ୍ଦିରର ପୂଜକମାନେ । ଫାଣ୍ଡି ଅଧିକାରୀ ପୂଜକମାନଙ୍କୁ ଦୁର୍ବ୍ୟବହାର କରିବା ସହ ବିଭିନ୍ନ ସମୟରେ ଧମକ ଚମକ ଦେଉଥିବା ଅଭିଯୋଗ ଆସିଛି। ଫାଣ୍ଡି ଅଧିକାରୀଙ୍କ ବଦଳି ଦାବି କରି ସୋମବାର ମନ୍ଦିର ପୂଜକମାନେ ଠାକୁରଙ୍କ ନୀତିକାନ୍ତି ବନ୍ଦ କରିଥିବା ଜଣାପଡିଛି। ପୂଜକମାନେ ଠାକୁରଙ୍କ ନୀତି ବନ୍ଦ କରିବା ସହ ପର୍ଯ୍ୟଟକମାନଙ୍କୁ ଅସହଯୋଗ କରୁଥିବା ଜଣାପଡିଛି। ଭୋଗ ନ ହେବାଯୋଗୁ ଶ୍ରଦ୍ଧାଳୁମାନେ ପ୍ରସାଦ ନପାଇ ନିରାଶ ହୋଇ ଫେରିଯାଉଛନ୍ତି । ଧାରଣା ସ୍ଥଳରେ ଅତିରିକ୍ତ ଏସପି ପହଞ୍ଚି ପୂଜକମାନଙ୍କୁ ବୁଝାସୁଝା କରୁଥିବା ଜଣାପଡିଛି ।
