ପଦ୍ମପୁର ଉପଖଣ୍ଡ ଘେଁସ ରେଞ୍ଜ ଅଞ୍ଚଳରେ ମାତିଛନ୍ତି ହାତୀପଲ
ପଦ୍ମପୁର ଉପଖଣ୍ଡ ଘେଁସ ରେଞ୍ଜ ଅଞ୍ଚଳରେ ମାତିଛନ୍ତି ହାତୀପଲ । ଏକର ଏକର ଚାଷ ଜମି ନଷ୍ଟ କରିବା ସହିତ ଗ୍ରାମବାସୀଙ୍କୁ ମଧ୍ୟ ଆକ୍ରମଣ କରିଛନ୍ତି । ଫଳରେ ଜଣ ଗୁରୁତର ହୋଇପଡ଼ିଛନ୍ତି । ତାଙ୍କୁ ବୁର୍ଲା ଭିମସାରରେ ଭର୍ତ୍ତି କରାଯାଇଛି । ପଦ୍ମପୁର ଉପଖଣ୍ଡ ଘେଁସ ରେଞ୍ଜ ଅଞ୍ଚଳରେ ୨୫ରୁ ଅଧିକ ହାତୀ ଆସି ଭୟର ବାତାବରଣ ସୃଷ୍ଟି କରିଛନ୍ତି । ଛତିଶଗଡ ଅଞ୍ଚଳରୁ ଝାଞ୍ଜ ପାହାଡ ଦେଇ ହାତୀମାନେ ଆସିଥିବା ବନ ବିଭାଗ ପକ୍ଷରୁ ସୂଚନା ମିଳିଛି । ପ୍ରାୟ ୯ଦିନ ହେବ ଗାଁ ମୁହାଁ ହୋଇଛନ୍ତି ହାତୀ ପଲ । ଆଖ ପାଖ ଗାଁର ଲୋକ ଭୟଭୀତ ଅବସ୍ଥାରେ ଅଛନ୍ତି । ଏକର ଏକର ଧାନ ଫସଲ ନଷ୍ଟ କରୁଛନ୍ତି । ହାତୀ ଦେଖିବାକୁ ଯାଇଥିବାବେଳେ ବୁଡାପାଲିର ଜଣେ ବ୍ୟକ୍ତି ଗୁରୁତର ହୋଇପଡ଼ିଛନ୍ତି । ଦନ୍ତା ହାତୀ ଆକ୍ରମଣ କରିଥିବା ଜଣାପଡ଼ିଛି । ବୁର୍ଲା ଭୀମସାରରେ ଚିକିତ୍ସିତ ହେଉଛନ୍ତି । ସେପଟେ ହାତୀ ପଲଙ୍କୁ ଘଉଡ଼ାଇବାକୁ ବନ ବିଭାଗ ପକ୍ଷରୁ ଉଦ୍ୟମ ଜାରି ରହିଛି ।
