‘ମନ କି ବାତ’ରେ କଟକର ଚା ବିକ୍ରେତା ସ୍ୱର୍ଗତ ଡି ପ୍ରକାଶ ରାଓଙ୍କୁ ମନେ ପକାଇଲେ ପ୍ରଧାନମନ୍ତ୍ରୀ
ଭୁବନେଶ୍ୱର: ରେଡିଓ କାର୍ଯ୍ୟକ୍ରମ ‘ମନ କି ବାତ’ର ୧୦୦ ତମ ଏପିସୋଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଟକର ଚା ବିକ୍ରେତା ସ୍ୱର୍ଗତ ଡି ପ୍ରକାଶ ରାଓଙ୍କ ପ୍ରେରଣାଦାୟକ ଯାତ୍ରାକୁ ମନେ ପକାଇଥିଲେ। ମୋଦୀ ଶିକ୍ଷକମାନଙ୍କ ଅନ୍ୟାନ୍ୟ ଉଦାହରଣ ବିଷୟରେ ମଧ୍ୟ ଉଲ୍ଲେଖ କରିଛନ୍ତି, ଯେଉଁମାନେ ସମାଜ ଉପରେ ଏକ ବଡ଼ ପ୍ରଭାବ ପକାଇଛନ୍ତି, ଯେପରିକି ଝାଡଖଣ୍ଡ ଏବଂ ହେମଲାଟା ଏନ.କେ ଗାଁର ଡିଜିଟାଲ ଲାଇବ୍ରେରୀ ଚଳାଉଥିବା ସଞ୍ଜୟ କଶ୍ୟପ। ଯିଏ କୋଭିଡ୍ ସମୟରେ ଇ-ଲର୍ଣ୍ଣିଂ ମାଧ୍ୟମରେ ଅନେକ ପିଲାଙ୍କୁ ସାହାଯ୍ୟ କରିଥିଲେ।
ଡି.ପ୍ରକାଶ ରାଓଙ୍କ ପ୍ରାଥମିକ ବିଦ୍ୟାଳୟ ‘ଆଶା ଓ ଆଶ୍ବାସନା’ ଜରିଆରେ ସମାଜରେ ଅନାଥ ବା ବଞ୍ଚିତ ପିଲାମାନଙ୍କୁ ଶିକ୍ଷା ଦେବା ଦିଗରେ ତାଙ୍କର ନିରନ୍ତର ଉଦ୍ୟମ ତାଙ୍କୁ ଘରେ ଘରେ ପରିଚିତ କରାଇଥିଲା। ତାଙ୍କର ଏହି କାମକୁ କେନ୍ଦ୍ର ସରକାର ସ୍ବୀକୃତି ଦେଇଥିଲେ। ଏହାପରେ ଭାରତର ତତ୍କାଳୀନ ରାଷ୍ଟ୍ରପତି ରାମ ନାଥ କୋବିନ୍ଦ ୨୦୧୯ରେ ଡିୟ ପ୍ରକାଶ ରାଓଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରିଥିଲେ।
ଡି. ପ୍ରକାଶ ରାଓଙ୍କ ବ୍ୟତୀତ ପ୍ରଧାନମନ୍ତ୍ରୀ ବେଟି ବଚାଓ, ବେଟି ପଢାଓ, ସ୍ୱଚ୍ଛ ଭାରତ ଅଭିଆନ୍, ଖଦି ପ୍ରତି ଲୋକଙ୍କ ଭଲ ପାଇବା, ପ୍ରକୃତି ସମ୍ବନ୍ଧୀୟ ଚିନ୍ତାଧାରା, ଆଜାଦ କି ଅମୃତ ମହୋତ୍ସବ, ପ୍ଲାଷ୍ଟିକ ଉପରେ ରୋକ୍ ଲଗାଇବା ଆଦି ସାମାଜିକ କାର୍ଯ୍ୟକ୍ରମ କିଭଳି ମନ୍ କି ବାତ ଜରିଆରେ ଆରମ୍ଭ ହୋଇଛି ସେ ବାବଦରେ କହିଥିଲେ।
